Әлеуметтік қорғау жүйесі қызметкерлері күніне орай салтанатты жиын өтті

https://www.instagram.com/reel/Deyd4qbx31V/?vrfl=ZGlpbTZsZDF3aXNq
Әлеуметтік қорғау жүйесі қызметкерлерінің кәсіби мерекесіне орай аудандық әкімдікте салтанатты жиын ұйымдастырылды.

Мерекелік шараға аудан әкімі Д.Тоғызбаеа қатысып, әлеуметтік қорғау саласында еңбек етіп жүрген мамандарды кәсіби мерекелерімен құттықтады. Өз сөзінде аудан басшысы халықтың әлеуметтік әл-ауқатын арттыру жолында аянбай еңбек етіп жүрген қызметкерлердің еңбегіне жоғары баға беріп, олардың қоғамдағы маңызды рөлін атап өтті.

Жиын барысында өз қызметінде жоғары жауапкершілік пен кәсібилік танытып, әлеуметтік қолдауды қажет ететін азаматтарға көмек көрсетуде елеулі үлес қосқан бірқатар қызметкер марапатталып, олардың еңбегі лайықты бағаланды.

Әлеуметтік қорғау саласының қызметкерлері – халық пен қамқорлықтың арасын жалғап, әрбір азаматтың өмір сапасын жақсартуға үлес қосып жүрген жандар. Олардың еңбегі – адамгершілік пен жанашырлықтың жарқын көрінісі.

Барша сала мамандарына зор денсаулық, отбасыларына амандық, еңбектеріне толағай табыс тілейміз! Қоғам игілігі жолындағы жауапты қызметтеріңіз әрдайым абырой биігінен көріне берсін!