АУДАН ӘКІМІ ТҰРҒЫНДАРДЫҢ ТАЛАП-ТІЛЕГІН ТЫҢДАДЫ
Аудан әкімі Аманжол Оңғарбаев Мергенсай ауылдық округіне жасаған жұмыс сапары аясында Жалаңаш ауылының тұрғындарымен кездесіп, елді мекендегі өзекті мәселелер мен тұрғындардың ұсыныс-пікірлерін тыңдады.
Кездесу барысында аудан басшысы ауданда атқарылып жатқан ауқымды жұмыстар мен қол жеткізілген нәтижелерге тоқталып, Мергенсай ауылдық округінде де бірқатар маңызды жобалар жүзеге асырылып жатқанын атап өтті.
Кездесуде тұрғындар жол жөндеу, ауылға газ тарту және электр желілерін жаңғырту мәселелерін көтеріп, оларды шешуге қолдау көрсетуді сұрады.
Аудан әкімі Аманжол Сақыпұлы әрбір ұсынысқа назар аударып, көтерілген мәселелер бойынша қолданыстағы заңнама талаптарына сәйкес түсініктеме берді. Сондай-ақ мәселелерді шешу мүмкіндіктері қарастырылып, тиісті жұмыстардың кезең-кезеңімен жүргізілетінін жеткізді.
