1 / 6
Бүгінгі таңда № 18 және № 18А мекенжайларындағы екі ауланы күрделі жөндеу жұмыстары толық аяқталды, ал қалған екі нысанда жұмыстар әлі де жүргізіліп жатыр. Қазіргі уақытта жоспарланған жұмыстардың жалпы көлемінің 90%-ы орындалды.
Жөндеу жұмыстары аясында № 18 және № 18А аулаларындағы асфальт жабыны толықтай ауыстырылып, жаңа шағын сәулет нысандары, жаттығу құрылғылары, орындықтар мен қоқыс жәшіктері орнатылды. Балалар ойын алаңына тартан жабыны төселіп, сыртқы жарықтандыру жүйесі жаңартылды. Сондай-ақ жаңбыр және еріген қар суларын бұруға арналған су ағызу жүйесі орнатылды.
Нәтижесінде аулалар кешенді түрде жаңартылып, тұрғындар үшін қолайлы әрі көрікті демалыс кеңістігіне айналды.
