ТЖМ-нің «Ата-анаңның үйін тексер!» республикалық акциясы государственный орган қызметкерлерінің жеке үлгісінен басталады. Құтқарушылар қазақстандықтарға тұрмыстық қауіпсіздіктің маңызын еске салып, өз жақындарының да үйдегі қауіпсіздік жағдайына назар аударады.
Акцияға ҚР ТЖМ Стратегиялық жоспарлау және жедел басқару орталығының бастығы Азамат Жүнісов қосылды. Жылыту маусымы қарсаңында ол Алматыдағы анасының үйіне барып, газ жабдықтары мен желдету жүйесінің жарамдылығын тексерді. Алматы қаласы ТЖД қызметкерлері мен газ қызметінің мамандары бірлесіп профилактикалық тексеру жүргізіп, желдету жүйесін тазалап, табиғи газды анықтайтын газ талдағышты ауыстырды.
Республикалық акцияның басты мақсаты - ата-ананың үйіндегі қауіпсіздікті үнемі тексеріп отыру қажеттігін еске салу. Әсіресе жылыту құрылғыларының, газ жабдықтарының, электр сымдары мен желдету жүйесінің жай-күйіне назар аудару қажет. Уақтылы техникалық қызмет көрсету тұрмыстық оқиғалардың алдын алуға көмектеседі. Ал қажетті жұмыстарды білікті мамандар орындауы тиіс.
Қазақстан ТЖМ барша азаматты қауіпсіздікті өз үйінен бастауға шақырады: ата-анаңыздың үйіне барып, жағдайды тексеріп, қажет болса жабдықтарға қызмет көрсетуге көмектесіңіз. Өйткені жақындарға қамқорлық сөзбен ғана емес, нақты іспен де көрінеді.
