Бүгін Маржанкөл және Садовый ауылдық округтеріне барып, тұрғындармен кездесіп, елді мекендерді дамытуға қатысты өзекті мәселелерді талқыладым.
Маржанкөл ауылдық округінде тұрғындар ветеринариялық пункт салу, балалар ойын алаңын абаттандыру, пошта бөлімшесінің жұмысы, қатты тұрмыстық қалдықтарды шығару, жолдарды асфальттау және ауыл тұрғындарын толғандыратын басқа да мәселелерді көтерді.
Садовый ауылдық округінде көтерілген негізгі мәселелердің бірі – ауылішілік жолдардың жағдайы және оларды жөндеу қажеттілігі болды.
Әр кездесуден кейін азаматтарды жеке қабылдау өткізіледі.
Тұрғындардың әрбір өтініші бойынша тиісті түсініктемелер берілді. Жауапты басшыларға проблемалық мәселелерді шешудің мүмкін жолдарын қарастырып, нақты ұсыныстар енгізу тапсырылды.
