Ағымдағы жылдың 30 қыркүйегінде Көкшетауда Абылайхан даңғылында полиция қызметкерлері сыртқы белгілері бойынша такси болып көрінген Honda Odyssey маркалы автокөлікті тоқтатты.
Рульде бұрын көлік құралдарын басқару құқығынан айырылған жүргізуші болған. Ағымдағы жылдың маусым айында ол қарсы қозғалыс жолағына шыққаны үшін жүргізуші куәлігінен айырылды.
Тексеру кезінде полицейлерде жүргізуші тыйым салынған заттарды қолданған болуы мүмкін деген күдік болды. Оған наркологиялық орталықта медициналық тексеруден өту ұсынылды.
Куәландыру нәтижелері бойынша жүргізуші марихуана қолданғаны анықталды.
Ер адамға қатысты басқару құқығынан айырылған жүргізушінің көлік құралын басқаруы, сондай-ақ есірткі мен психотроптық заттарды медициналық емес мақсатта тұтыну фактілері бойынша әкімшілік хаттамалар құрылды.
Автокөлік арнайы айып тұрағына қамалды.
Полиция жүргізушілерге жол қозғалысы ережелерін қатаң сақтауға және алкоголь, есірткі немесе басқа да тыйым салынған заттарды қолданып көлік жүргізбеуге шақырады. Сондай-ақ, құқық қорғау органдары көлік құралын басқару құқығынан айырылған адамның басқаруы жол қозғалысының барлық қатысушыларының қауіпсіздігіне қауіп төндіретінін еске салады.
