Көкдөнен ауылында бұқаралық спортты дамытуға бағытталған спорттық жаттығу алаңының ашылу рәсімі өтті.
Жаңа спорт алаңының бой көтеруіне ауыл тұрғындары мен жастарының атсалысып, қолдау көрсетуі – ынтымақ пен ортақ іске деген жауапкершіліктің айқын көрінісі.
Сонымен қатар, ауыл тұрғындарының бастамасымен «Асарлатып үй салу» жобасы аясында 2 отбасы баспаналы болып, 1 тұрғын үйге күрделі жөндеу жұмыстары жүргізілді.
Бұдан бөлек, ауыл азаматтарының бірлескен еңбегімен мешіт жанынан асхана, балалар ойын алаңшасы, «Наурыз» мерекесін өткізуге арналған сахна және «Достық» сквері ел игілігіне берілді. Бүгінде Жақсылық ауылында еркін күрес спорт үйірмесінің ғимаратына да жөндеу жұмыстары жүргізілуде.
