Ауылымызда жыл сайын атап өтілетін Қарттар күні – үлкенге құрмет көрсетіп, ақ жаулықты әжелеріміз бен ардақты аталарымызға көңіл бөліп, қамқорлық танытатын жақсы дәстүрге айналды. Биыл ауылымыздағы 70 жастан асқан 60 қарияны мерекемен құттықтап, оларға материалдық көмек көрсетілді. Бұл – үлкендерге деген құрметіміз бен алғысымыздың бір көрінісі. Осы игі іске демеушілік көмек көрсеткен Қазақстан Республикасының Еңбек Ері, «Шахтерское» ЖШС директоры Прокоп Георгий Георгиевичке ерекше алғысымызды білдіреміз! Қарияларымыз әрдайым елдің құрметіне бөленіп, ұрпақтарының қызығын көріп, аман-есен ғұмыр кешсін! Барша үлкендерімізге зор денсаулық, ұзақ ғұмыр, отбасыларына амандық пен береке тілейміз!
