«AUYL SPORT – 2026» – ауыл жастарына үлкен мүмкіндік!

Өскемен қаласында Шығыс Қазақстан облысының аудандық ауылдарынан келген 470 жас спортшының қатысуымен «AUYL SPORT – 2026» облыстық турнирі өтуде.

30 қыркүйек – 3 қазан аралығында ұйымдастырылып отырған дүбірлі додада жас спортшылар 7 спорт түрі бойынша бақ сынауда.

Тарбағатай ауданының намысын қорғаған Қ.Билялов атындағы мектеп-лицейінің 7 сынып оқушылары да жарыста жоғары нәтиже көрсетті:

Айдынұлы Алинұр – 52 кг салмақ дәрежесінде І орын;

Манарбеков Нұрали – 41 кг салмақ дәрежесінде ІІ орын иеленді!

Жас спортшыларымызды жарқын жеңістерімен құттықтаймыз! Спортшылардың жеңісіне үлес қосып жүрген бапкерлері Дауытбеков Самғат пен Алимов Берікке алғысымызды білдіреміз.