Қарағандыда «Е-Архив» АЖ-да архив ісі және жұмыс мәселелері бойынша өңірлік семинар өтті.

29-30 қыркүйекте Қарағанды қаласында «Архив ісі және құжаттаманы басқару саласындағы заңнамадағы және нормативтік құқықтық актілердегі негізгі өзгерістер. «Е-Архив» АЖ-да жұмыс істеуге оқыту» тақырыбында семинар өтті.
Семинар шеңберінде қатысушылар архив ісін дамытудың өзекті мәселелерін, заңнамадағы өзгерістер мен «Е-Архив» ақпараттық жүйесімен жұмыс істеудің практикалық аспектілерін қарастырды.
Қазақстан Республикасы Мәдениет және ақпарат министрлігі Архив, құжаттама және кітап ісі комитетінің архив ісі саласындағы мемлекеттік саясат және бақылау басқармасының басшысы Салтанат Нұртасқызы Тащанова архив ісі саласындағы нормативтік құқықтық актілердегі негізгі өзгерістерді егжей-тегжейлі түсіндірді.
«Е-Архив» АЖ техникалық қолдау мен сүйемелдеуді қамтамасыз ететін «Bolashak Engineering» ЖШС өкілі Алексей Сергеевич Шестак қатысушыларды жүйені одан әрі дамыту жоспарларымен және оның жұмыс істеуінің өзекті мәселелерімен таныстырды.
«Қостанай облысы әкімдігінің ақпараттандыру, мемлекеттік қызмет көрсету және архивтер басқармасы» ММ архив жұмысы бөлімінің басшысы Ольга Сергеевна Куйбагарова сараптамалық-тексеру комиссиясын өткізу кезінде нормативтік құқықтық құжаттарды қолдану туралы баяндама жасады.
Семинар барысында Павлодар және Қарағанды облыстарының өкілдері архив ісі және «Е-Архив» АЖ пайдалану саласындағы тәжірибелерімен бөлісті.
Іс-шара тәжірибе алмасу, архив ісінің өзекті мәселелерін талқылау және мамандардың кәсіби біліктілігін арттыру үшін тиімді алаңға айналды.