Зейнетақы жүйесіне қатысу өтілі қалай айқындалады?
Мемлекеттік базалық зейнетақы төлемін тағайындау кезінде азаматтың зейнетақы жүйесіне қатысуының жалпы өтілі ескеріледі.
Жалпы өтілге зейнетақы жүйесіне қатысу кезеңдері, оның ішінде 1998 жылғы 1 қаңтарға дейінгі ынтымақты зейнетақы жүйесіне қатысу өтілі, сондай-ақ зейнетақы заңнамасына сәйкес міндетті зейнетақы жарналары (МЗЖ) төленген кезеңдер енгізіледі.
Бұл ретте, егер МЗЖ-ның 10%-ын жұмыс беруші уақтылы аудармаған болса, тиісті кезең құжаттармен расталуы мүмкін. Атап айтқанда, мәліметтер Қағидаларға қосымшада көзделген 4-нысан бойынша анықтамамен, жұмыс берушінің анықтамасымен, сондай-ақ заңды күшіне енген сот шешімімен расталуы мүмкін.
Базалық зейнетақы төлемінің мөлшері зейнетақы жүйесіне қатысу өтіліне байланысты белгіленеді:
🔹 10 жылға дейін — ең төмен күнкөріс деңгейінің 70%-ы;
🔹 10 жылдан жоғары — әрбір толық жыл үшін қосымша 2%;
🔹 30 жыл және одан жоғары өтіл болған кезде — төлем мөлшері ең төмен күнкөріс деңгейінің 118%-ына дейін жетеді.
Осылайша, мемлекеттік базалық зейнетақы төлемін тағайындау кезінде зейнетақы жүйесіне қатысудың жалпы өтілі, оның ішінде 1998 жылғы 1 қаңтарға дейінгі ынтымақты зейнетақы жүйесіндегі өтіл және жинақтаушы зейнетақы жүйесіне қатысудың белгіленген тәртіппен расталған кезеңдері ескеріледі.
№3 зейнетақы және әлеуметтік қамсыздандыру бөлімінің басшысы Н.Ж. Сарсембаева
