Қазақстан Республикасында тіл саясатын дамытудың 2023-2029 жылдарға арналған тұжырымдамасын іске асыру жөніндегі іс-қимыл жоспарына сәйкес Энергетика министрлігінде мемлекеттік қызметке жаңадан қабылданған қызметкерлердің мемлекеттік тілді меңгеру деңгейін анықтау бойынша диагностикалық тестілеу өткізілді.
Тестілеу «Қазтест» жүйесі арқылы ұйымдастырылып, қызметкерлердің қазақ тілін меңгеру деңгейін анықтау және олардың кәсіби міндеттерін орындау барысында қазақ тілін пайдалану дағдыларын объективті бағалауға мүмкіндік берді.
Іс-шара мемлекеттік тілдің мемлекеттік қызмет саласындағы қолданысын кеңейтуге және қызметкерлердің қазақ тілін меңгеру деңгейін арттыруға ықпал етті.
