Алматы онкологиялық орталығында әйелдер арасында онкологиялық ауруларды ерте анықтауға арналған Ашық есік күні өтті.
Барлығы 143 әйел тексеруден өтуге жүгінді. Диагностика қорытындысы бойынша үш пациентте аналық без обырына, бір пациентте жатыр мойны обырына күдік анықталды.
Ашық есік күні аясында 33 әйелге кіші жамбас ағзаларының УДЗ-сі жүргізіліп, 143 әйелден онкоцитологияға жағынды алынды, бір пациентке жатыр мойнының биопсиясы жасалды.
Мұндай іс-шаралар әйелдерге уақтылы тексеруден өтуге, күдікті өзгерістерді ерте кезеңде анықтауға және қажет болған жағдайда диагностиканы жалғастыруға мүмкіндік береді.
