Қарағанды облысы Кәсіпкерлер палатасының Туризм кеңесінің отырысында туристік маусымның қорытындысы шығарылып, саланы одан әрі дамыту мәселелері талқыланды.
- Биыл Қарағанды өңіріне 400 мыңнан астам турист келді. Оның 200 мыңнан астамы курорттық аймақта демалды.
- Өңірде 14 жаңа туристік нысан ашылды.
- 30 жобаға 1 млрд теңге көлемінде мемлекеттік қолдау көрсетілді.
- Balkhash Tour Fest фестиваліне шамамен 75 мың қонақ жиналды.
Кәсіпкерлер инфрақұрылым, сумен жабдықтау, электр желілері, көлік қатынасы және туристік нысандардың навигациясы мәселелерін көтерді. Сондай-ақ «Қысқы Балқаш» жобасы, интерактивті туристік карталар, халықаралық регаталар және жаңа іс-шара алаңдарын құру ұсынылды.
Кездесуде BusinessGO цифрлық экожүйесі мен шетелдік туристерге ҚҚС қайтаруға мүмкіндік беретін Tax Free жүйесі де таныстырылды.
