Қарағанды облысының туризм басқармасы

Туризм басқармасы гидтер, экскурсоводтар және туризм нұсқаушылары қызметінің қағидаларын түсіндіруге шақырады

Balkhash Tour Fest 2026 — Қазақстандағы ішкі туризмнің жаңа нүктесі!

Жақында Балқаш көлінің жағалауы саяхаттауды, музыканы және белсенді демалысты сүйетін жандар үшін қайтадан тартымды мекенге айналады. Фестиваль Балқаш көлінің жағалауындағы туристік әлеуетті ілгерілететін ауқымды алаңға айналып, еліміздің әр өңірінен қонақтарды жинайды. Сіздерді күтеді: - жанды музыка мен әртістердің өнер көрсетуі - белсенді ойын-сауық пен судағы демалыс - фуд-аймақтар мен жәрмеңкелер - еркіндікке, жазға және шынайы демалысқа толы ерекше атмосфера Балқаш жағалауында спорт, мәдениет, гастрономия және туризм тоғысып, ел ішінде саяхатқа жаңа көзқарас қалыптасары анық. Ашық суда жүзу, желкенді регата, ашық аспан астындағы концерттер мен кешкі шоу — әркім өз атмосферасын таба алады. Бұл жай фестиваль емес — аймақтарды біріктіріп, Қазақстанды қайта танып-білуге шабыт беретін ерекше кеңістік. Balkhash Tour Fest — бұл жай ғана фестиваль емес, бұл Балқаштың сұлулығын қайта ашуға, сергіп, жақындарыңызбен ерекше атмосферада уақыт өткізуге мүмкіндік. Balkhash Tour Fest 2026 — Қазақстандағы ішкі туризмнің жаңа нүктесі! Мыңдаған қонақ, еркіндік энергиясы, ерекше табиғатымен есте қалатын күн болмақ! Ұйымдастырушылар: ҚР Туризм және спорт министрлігі, Қарағанды облысының әкімдігі, Visit Karaganda, Balkhash Tour Fest. Жаңалықтарды қадағалаңыз — жақын арада бағдарлама мен хедлайнерлер туралы бөлісеміз!

22 мамыр күні Н. Әбдіров атындағы Спорт сарайында туристік көрме өтеді

22 мамыр күні Қарағандыдағы Нұркен Әбдіров атындағы Спорт сарайында облыстың туристік саласына арналған көрме өтеді. Алаңда өңірдегі туристік бағыттар, саяхат маршруттары мен демалыс мүмкіндіктері таныстырылады. Келушілер туризм саласындағы жобалар мен бастамалармен танысып, өңірдің табиғи, мәдени және рекреациялық орындары туралы кеңірек ақпарат ала алады. Бағдарламада концерттік қойылымдар, тақырыптық фото аймақтар, интерактивті алаңдар және облыстың туристік әлеуетіне арналған таныстырылымдар қарастырылған. Көрме туристік сала өкілдерін, белсенді демалыс ұйымдастырушыларын, мәдени жобалар авторларын және қала қонақтарын біріктіреді. Басталуы – сағат 17:00-де.

22–24 сәуір күндері Алматыда өтетін KITF 2026 көрмесінде Қарағанды облысы таныстырылатын болады

Көрмеде өңірдің туристік бағыттары, демалыс орындары және жаңа маршруттар ұсынылады. Сонымен қатар туристік өнімдер, инвестициялық мүмкіндіктер, жергілікті туроператорлар мен гидтердің қызметтері таныстырылып, іскерлік байланыс орнатуға мүмкіндік беріледі. Егер туризм саласы қызықтырса, серіктестік іздесеңіз немесе жаңа бағыт қарастырып жүрсеңіз — келіп, танысып шығыңыз.

Қазақстанға Удмурт Республикасынан бизнес-миссия келуде

Қазақстанға Удмурт Республикасынан бизнес-миссия келуде. Қарағанды өңірінде 3 желтоқсанда сағат 11:00–13:00 аралығында «Атамекен» ҰКП конференц-залында (Тәттімбет көш., 709) B2B-кездесу өтеді. Өңірдің туристік саласы үшін ерекше қызығушылық танытатын делегация қатысушыларының бірі — ИП Кузнецов А.Н., ол туризмге, аэротүсірілімге және нысандарды инспекциялауға арналған автожирлер ұсынады. Сайт: tangoautogyro.com Ынтымақтастықтың әлеуеті: • жаңа туристік өнімдер мен ұшу бағыттарын құру; • экстремалды және индустриялық туризмді дамыту; • өңірді ілгерілету үшін аэротүсірілім; • мониторинг пен инспекция жүргізу үшін автожирлерді пайдалану; • Қарағанды, Балқаш және Ұлытау туркомпанияларымен интеграция; • демонстрациялық ұшулар және өндірісті жергіліктендіру мүмкіндігі. Туристік компаниялар мен сала мамандарын қатысуға шақырамыз. Байланыс телефоны: Ирина Харитонова — +7 701 214 10 77