Жамбыл облысы бойынша тексеру комиссиясында ағымдағы жылдың 24 қыркүйегінде 2026 жылдың І жартыжылдығында жүргізілген аудиторлық іс-шаралардың қорытындылары бойынша анықталған жүйелі кемшіліктер мен бұзушылықтарды талқылау үшін аудит объектілерінің өкілдерімен кездесу өткізілді.
Аталған кездесуге Жамбыл облысы әкімдігінің білім басқармасына қарасты Техникалық және кәсіптік білім беру ұйымдарының және Тараз қаласы әкімдігінің бөлімдерінің басшылары, орынбасарлары мен жауапты мамандары қатысты.
Кездесу барысында Тексеру комиссиясының Сапаны бақылау бөлімінің басшысы Н. Ахметов Тексеру комиссиясының мемлекеттік аудит объектілеріне жолданған нұсқамалардың орындалу барысы туралы баяндады.
Сондай-ақ, мемлекеттік аудит объектілері өкілдері тарапынан қойылған сұрақтарға жауаптар беріліп, алдағы уақытта кемшіліктер мен бұзушылықтарды жою үшін жолданған нұсқамаларды мерзімінде әрі сапалы түрде орындау үшін тиісті жұмыстар жүргізіп, ол бойынша ақпараттардың Тексеру комиссиясына нұсқамаларда белгіленген мерзімдерде жолдауды қадағалауды күшейту ұсынылды.
