«Таза Қазақстан» республикалық экологиялық акциясы аясында абаттандыру қағидаларының сақталуын бақылау мақсатында рейдтік іс-шаралар тұрақты түрде жүргізілуде.
Рейд барысында көпқабатты тұрғын үйлердің аулалары мен қоғамдық орындардың тазалығы, тұрмыстық қалдықтарды белгіленбеген жерлерге тастау фактілері, қоршаған ортаны ластау және абаттандыру талаптарын сақтау мәселелері назарға алынды.
Жыл басынан бері дронның көмегімен қала аумағында абаттандыру қағидаларын бұзудың 97 дерегі анықталып, құқық бұзушыларға қатысты қолданыстағы заңнама талаптарына сәйкес әкімшілік хаттамалар жасақталды.
Іс-шараның негізгі мақсаты – тұрғындардың экологиялық мәдениетін арттыру, қоршаған ортаға ұқыпты қарауды қалыптастыру және қала аумағының тазалығын қамтамасыз ету.
