Шөп дайындау және сақтау кезінде ерекше сақтық қажет: ылғалдылығы жоғары шөп өздігінен қызуға және өздігінен тұтануға бейім.
Негізгі қағидалар:
- Жұмысты бастамас бұрын тракторлардың, пресс-жинағыштардың және басқа да техниканың жарамдылығын, әсіресе отын жүйесін, электр сымдарын және шығару жүйесін тексеру.
- Шөп дайындау және сақтау орындарында темекі шегуге және ашық отты пайдалануға жол бермеу.
- Шөпті ғимараттарға, электр беру желілеріне, жолдарға және ашық от көздеріне жақын орналастырмау.
- Шөп маялары, шөмелелер мен ғимараттар арасындағы өртке қарсы арақашықтықтарды сақтау.
- Ылғал немесе жеткілікті дәрежеде кептірілмеген шөпті ұзақ мерзімге сақтауға қоймау.
- Шөп сақталатын орындарға өрт сөндіру техникасының еркін кіруін қамтамасыз ету.
- Жұмыс жүргізілетін орындардың маңында алғашқы өрт сөндіру құралдары — өрт сөндіргіштер, су құйылған ыдыстар және басқа да құралдар болуы тиіс.
- Уақытша электр желілерін шөп сақталатын орындар арқылы тікелей жүргізуге жол бермеу.
Шемонаиха ауданының ТЖБ
