Өскелең ұрпақтың бойында парасаттылық пен әділдік құндылықтарын дәріптеу және жемқорлыққа қарсы мәдениетті қалыптастыру мақсатында жастар арасында «Адал азамат –адал қоғам» атты ақпараттық-түсіндірме акциясы ұйымдастырылды.
Акцияның негізгі міндеті – жастарға сыбайлас жемқорлықтың салдары туралы жан-жақты ақпарат беру, заң талаптарын түсіндіру және күнделікті өмірде әділдік пен адалдық қағидаттарын ұстануға шақыру.
Акция аясында атқарылған жұмыстар мен негізгі бағыттар:
- Жастарға сыбайлас жемқорлыққа қарсы заңнаманың нормалары мен оның алдын алу тетіктері бойынша түсіндірме жүргізілді;
- Оқу орындарында және қоғамдық ортада академиялық әрі азаматтық адалдықты сақтаудың маңызы түсіндірілді;
- Заңсыз әрекеттерге «мүлдем төзбеушілік» (нөлдік төзімділік) қағидатын қалыптастыру бойынша ақпараттық жадынамалар мен парақшалар таратылды;
- Құқық бұзушылық жағдайларына тап болған кезде жүгінуге болатын жедел желілер мен ресми байланыс арналары таныстырылды.
Ақпараттық-түсіндірме акциясы жастардың құқықтық сауаттылығын арттыруға және олардың бойында сыбайлас жемқорлық көріністеріне қарсы белсенді азаматтық ұстанымды орнықтыруға бағытталған. Бұл бағыттағы алдын алу шаралары алдағы уақытта да тұрақты түрде жалғасады.
