2026 жылғы 10 қыркүйекте Министрліктің әдеп жөніндегі уәкілі заң департаментімен бірлесіп мемлекеттік қызметшілерге арналған семинар өткізді.
Семинар барысында мемлекеттік қызметшілердің көпшілік алдында өзін-өзі ұстауы және қарым-қатынас мәдениеті, көпшілік алдында сөз сөйлеу талаптары, сондай-ақ әлеуметтік желілердегі және цифрлық ортадағы мінез-құлық қағидалары қаралды.
Белгіленген тыйымдар мен шектеулерді сақтау мәселелеріне ерекше назар аударылды, оның ішінде құмар ойындарға қатысуға, кемсітушілікке жол беруге, қоғамдық орындарда алкогольдік немесе өзге де масаң күйде болуға, сондай-ақ діни наным-сенімдерді таңуға тыйым салу талаптары түсіндірілді.
Сонымен қатар мүдделер қақтығысының алдын алу, сыйлықтарды қабылдауға жол бермеу және қызметтік әдеп нормаларын, оның ішінде қызметтік іссапарлар кезінде сақтау талаптары түсіндірілді.
