Оқу жылының басталуына байланысты полиция қызметкерлері жолдардағы оқушылардың қауіпсіздігін қамтамасыз ету жұмыстарын күшейтті.
Күн сайын балалардың сабаққа баратын және үйлеріне қайтатын уақытында полиция жасақтары білім беру ұйымдарының маңында кезекшілік атқарады. Жаяу жүргіншілер өткелдері мен көлік қозғалысы қарқынды учаскелерге ерекше назар аударылады.
Полиция қызметкерлері балалардың жолдан қауіпсіз өтуіне көмектесіп, жүргізушілердің жол қозғалысы ережелерін сақтауын бақылайды. Сондай-ақ оқушыларға қауіп төндіруі мүмкін құқық бұзушылықтардың алдын алып, оларды дер кезінде тоқтатады.
Кезекшілік көлік қозғалысы ең қарқынды уақыттарда ұйымдастырылған: 07:30-дан 08:10-ға дейін, 12:30-дан 13:30-ға дейін және 18:30-дан 19:30-ға дейін.
