! Жалақы айына кемінде бір рет және келесі айдың бірінші онкүндігінен кешіктірілмей төленеді. Нақты төлем күні еңбек немесе ұжымдық шартта белгіленуге тиіс.
! Қызметкер бірінші кезекте жұмыс берушіге берешекті төлеу туралы талаппен жүгінуге құқылы. Егер мәселе шешілмесе, заңда белгіленген тәртіппен Мемлекеттік еңбек инспекциясы департаментіне жүгіну қажет.
! Жалақы төлеу кешіктірілген кезде жұмыс беруші берешекті ғана емес, сонымен бірге мерзімі өткен әрбір күнтізбелік күн үшін өсімпұл төлеуге міндетті. Бұл ҚР ЕК 113-бабының 3-тармағында көзделген.
! Өсімпұл жалақы төленуге тиіс болған күннен кейінгі күннен бастап және нақты төленген күнге дейін (қоса алғанда) есептеледі.
! Жұмыс беруші ай сайын қызметкерге жалақының құрамдас бөліктері, ұстап қалулар және төленуге тиісті жалпы сома туралы ақпарат ұсынуға міндетті.
! Жалақыны толық көлемде және белгіленген мерзімде төлемегені, сондай-ақ кешіктірілген кезең үшін өсімпұл есептемегені немесе төлемегені үшін ҚР ӘҚБтК-нің 87-бабы бойынша әкімшілік жауаптылық көзделген. Айыппұл мөлшері кәсіпкерлік субъектісінің санатына байланысты (30-дан 200 АЕК-ке дейін) болады.
Жалақыны кешіктіру – бұл қызметкердің еңбек құқықтарын бұзу болып табылады. Қызметкер берешектің және заңда көзделген өсімпұлдың төленуін талап етуге құқылы.
