Егер ЖК қызметін тоқтату туралы салықтық өтініш берілген күнге дейін талап қою мерзімі ішінде (3 жыл) бір мезгілде мынадай шарттарға сәйкес келген жағдайда:
1) ҚҚС төлеуші ретінде тіркеу есебінде тұрмайтын;
2) бірлескен кәсіпкерлік нысанында қызметті жүзеге асырмайды;
3) қызметтің жекелеген түрлерін жүзеге асырмайтын:
- бензин (авиациядан басқа), дизель отыны, газохол, бензанол, Нефрас, жеңіл көмірсутектер қоспасы, экологиялық отын өндіру;
- бензинді (авиациялықтан басқа), дизель отынын, газохолды, бензанолды, мұнай ерткішін, жеңіл көмірсутектер қоспаларын, экологиялық отынды көтерме және (немесе) бөлшек саудада өткізу;
- этил спиртін және (немесе) алкоголь өнімін өндіру;
- алкоголь өнімін көтерме және (немесе) бөлшек саудада өткізу;
- темекі бұйымдарын өндіру және (немесе) көтерме сату;
- ойын бизнесі;
- акцизделетін тауарларды өндіру, құрастыру (жинақтау);
- тауарлардың электрондық сауданы жүзеге асыратын.
4) тәуекелдерді бағалау нәтижелері бойынша салықтық тексерулер жоспарында немесе ішінара салықтық тексерулер тізімінде жоқ не тәуекел дәрежесін бағалау негізінде жүргізілетін салықтық тексерулердің жартыжылдық кестесінде жоқ;
5) салықтық берешегі, әлеуметтік төлемдер бойынша берешегі жоқ;
6) тәуекелдерді басқару жүйесі бойынша тәуекелдердің жоғары деңгейі жоқ. Осы шарт сақталған жағдайда ЖК камералдық бақылау жүргізбей қызметін тоқтатады және тіркеу орны бойынша салық органына бір мезгілде келесілер ұсынылады:
1) Қызметін тоқтату туралы салықтық өтініш (салық төлеушінің кабинеті"cabinet.gov.kz" арқылы беріледі);
2) Тарату салық есептілігі (салық төлеушінің кабинеті "cabinet.gov.kz" арқылы беріледі);
3) бақылау-касса машинасын (ол болған кезде) (бұдан әрі – БКМ) есептен шығару туралы салықтық өтініш (Салық кодексінің 67-бабы).
Бұл ретте, БКМ есептен шығару мынадай негізде жүзеге асырылады:
1) фискалдық деректер операторының мәліметтері-деректерді тіркеу және (немесе) беру функциясы бар БКМ бойынша;
2) БКМ есептен шығару туралы салықтық өтініш – деректерді беру функциясынсыз БКМ бойынша. Деректерді беру функциясынсыз БКМ есептен шығару үшін (аппараттық-бағдарламалық кешенді қоспағанда) :
1) БКМ есептен шығару туралы салықтық өтініш;
2) Салық органының бекіткен пломбасы, фискалдық жады блогы бар БКМ;
3) нөмірленген, тігілген, лауазымды адамның қолымен және салық органының мөрімен куәландырылған қолма-қол ақшаны есепке алу кітабы және тауар чектерінің кітабы;
4) БКМ тіркеу карточкасы.
Деректерді беру функциясынсыз (аппараттық-бағдарламалық кешен болып табылатын) БКМ есептен шығару үшін БКМ есептен шығару туралы салықтық өтініш ұсынылады және "Салық инспекторының жұмыс орны" модуліне қол жеткізуді қамтамасыз етеді (Салықкодексінің 169-бабы).
