Бақылау-кассалық машинасының (БКМ) фискалдық чегінде қандай мәліметтер болуы тиіс?
Бақылау-кассалық машинасының (БКМ) фискалдық чегінде мынадай мәліметтер болуы тиіс:
1. Салық төлеушінің атауы;
2. Бақылау-кассалық машинаны пайдалану орнының мекенжайы;
3. Салық төлеушінің сәйкестендіру нөмірі;
4. Бақылау-кассалық машинаның зауыттық нөмірі;
5. Бақылау-кассалық машинаның салық органында тіркелген нөмірі;
6. Чектің реттік нөмірі;
7. Ұлттық тауарлар каталогына сәйкес тауардың, жұмыстың, көрсетілетін қызметтің атауы;
8. Ұлттық тауарлар каталогына сәйкес тауардың сәйкестендіру коды, сондай-ақ таңбалауға және тауарлардың қадағалануына жататын тауарларға салынған сәйкестендіру құралдары туралы мәліметтер;
9. Сатып алынатын тауарлардың, жұмыстардың, көрсетілетін қызметтердің саны және олардың өлшем бірлігі;
10. Тауардың, жұмыстың, көрсетілетін қызметтің бірлік бағасы;
11. Тауарды, жұмысты, көрсетілетін қызметті сатудың жалпы сомасы;
12. Фискалдық деректер операторының атауы және деректерді тіркеу және (немесе) беру функциясы бар бақылау-кассалық машиналардың бақылау чегінің түпнұсқалығын тексеруге арналған фискалдық деректер операторының интернет-ресурсының деректемелері;
13. Тауарларды сатып алу, жұмыстарды орындау, қызметтерді көрсету күні мен уақыты;
14. Фискалдық белгі;
15. Егер салық төлеуші қосылған құн салығын (ҚҚС) төлеуші болып табылса, қосылған құн салығы салынатын тауарларды, жұмыстарды, көрсетілетін қызметтерді өткізу бойынша айналымдарға қолданылатын мөлшерлемені көрсете отырып, қосылған құн салығының сомасы;
16. Бақылау-кассалық машинаның чегі туралы ақпаратты кодталған түрде қамтитын штрих-код.