Қандай жағдайларда бақылау-кассалық машина салық органында есептен шығарылады?
Бақылау-кассалық машина (БКМ) салық органында мынадай жағдайларда есептен шығарылады:
1) сауда операцияларын жүзеге асыру, жұмыстарды орындау және қызметтерді көрсету кезінде ақшалай есеп айырысуларға байланысты қызметті тоқтату;
2) салық төлеушіні тарату, қайта ұйымдастыру және оның қызметін тоқтату;
3) бақылау-кассалық машинаның техникалық ақаулығына байланысты оны одан әрі пайдалану мүмкін болмауы;
4) бақылау-кассалық машинаны кассалық машиналар тізілімінен алып тастау;
5) техникалық жарамды бақылау-кассалық машинаның моделін жаңа модельдегі бақылау-кассалық машинаға ауыстыру;
6) бақылау-кассалық машинаның ұрлануы немесе жоғалуы. Бұл жағдайда ішкі істер органдарына ұрлық туралы берілген өтініштің көшірмесі және (немесе) Қазақстан Республикасының бүкіл аумағында таратылатын мерзімді баспасөз басылымдарында жарияланған жоғалу туралы хабарландырудың көшірмесі болуы қажет.