2026 жылғы 25-27 тамыз аралығында Астана қаласында GasTherm Expo 2026 халықаралық көрмесі өтеді. Газбен жабдықтау, жылумен қамту, сумен жабдықтау және инженерлік инфрақұрылым салаларына арналған бұл іс-шара өңірдегі жетекші салалық алаңдардың бірі болмақ.
Көрмеге ТМД елдері, Орталық Азия мемлекеттері және Қытайдан шамамен 100 компанияның қатысуы жоспарланған. Қатысушылар коммуналдық және өнеркәсіптік инфрақұрылымды дамытуға арналған заманауи технологиялар мен жабдықтарды, инженерлік шешімдер мен сервистік қызметтерді ұсынады.
Бүгінгі таңда инженерлік инфрақұрылымды жаңғырту, энергия тиімділігін арттыру және тіршілікті қамтамасыз ету жүйелерінің сенімділігін күшейту мәселелері елдердің тұрақты дамуы үшін стратегиялық маңызға ие. Осы тұрғыда GasTherm Expo 2026 мемлекет, бизнес және салалық қауымдастық арасындағы кәсіби диалог алаңы ретінде қалыптасып отыр.
Көрменің негізгі бағыттарының бірі - газ саласын дамыту. Қатысушылар газификация жобаларын іске асыру, газ тарату желілерін жаңғырту, қауіпсіздік жүйелерін жетілдіру, газды тасымалдау және сақтау технологияларын дамыту, сондай-ақ газбен жабдықтау инфрақұрылымының сенімділігін арттыру мәселелерін талқылайды.
Сонымен қатар көрме аясында жылумен қамту, сумен жабдықтау және су бұру жүйелері, климаттық технологиялар, құбыр желілері, автоматтандыру және инженерлік инфрақұрылымды цифрлық басқару шешімдері ұсынылады. Энергия тиімділігі, интеллектуалды басқару жүйелері және коммуналдық секторға арналған инновациялық технологияларға ерекше назар аударылады.
Іскерлік бағдарламаның негізгі оқиғасы – GasThermINTERNATIONALForum - Инженерлік инфрақұрылымды дамыту форумы болмақ. Форумға мемлекеттік органдардың өкілдері, энергетикалық компаниялар, салалық қауымдастықтар, инвесторлар және халықаралық сарапшылар қатысып, инфрақұрылым саласын дамыту, газификация, коммуналдық желілерді жаңғырту және жаңа технологияларды енгізу мәселелерін талқылайды.
Көрме аясында алғаш рет GasTherm Awards 2026 кәсіби салалық марапаты өткізіледі. Марапат нақты іске асқан және инфрақұрылымның дамуына мол нәтиже әкелген жобалар мен мамандарды бағалауға бағытталған. Жеңімпаздар инфрақұрылымдық жобалар, желілерді жаңғырту, газификация, цифрландыру, қауіпсіздік және инженерлік саладағы жетістіктер номинациялары бойынша анықталады.
Ұйымдастырушылардың айтуынша, халықаралық қатысушылар құрамы Қазақстанның Орталық Азиядағы инженерлік инфрақұрылымды дамыту орталығы ретіндегі рөлін күшейтеді. GasTherm Expo 2026 тәжірибе алмасу, жаңа технологияларды таныстыру, іскерлік байланыстар орнату және бірлескен жобаларды дамытуға арналған маңызды кәсіби платформа болмақ.
Қатысу туралы
Көрмеге, форумға және марапат номинацияларына қатысу шарттары туралы толық ақпарат:
БАҚ үшін байланыс
Аккредитация, сұхбат және ақпараттық серіктестік бойынша:
Жансұлу Садыкова, GasTherm Expo 2026 PR-директоры, +7 777 645 46 35