«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 14, 44, 113-10-баптарына сәйкес 2026 жылдың 19 сәуірінде Қызылорда қаласындағы Белкөл кенті әкімінің сайлауы өткізілді.
Белкөл кенті әкімінің сайлау жөніндегі дауыстарды санаудың нәтижелері туралы №221, №236 учаскелік сайлау комиссияларының хаттамалары негізінде Қызылорда қалалық сайлау комиссиясы Белкөл кенті әкімінің сайлауы өтті деп танылғанын хабарлайды.
Белкөлкенті әкіміне 3 кандидат дауысқа түсті. Сайлаушылар тізіміне 2985 азамат енгізілген. Сайлау бюллетеньдерін 2122 адам немесе 71,09 пайызы алды, оның ішінде есептен шығару куәліктері бойынша сайлаушылар дауыс берген жоқ, дауыс беру үй-жайынан тыс жерде 6 сайлаушы дауыс берді. Жарамсыз деп танылған бюллетень саны – 3.
Дауыс беру нәтижесінде кандидат Жүсіпов Асқар Орманбекұлы үшін – 169 дауыс, кандидат Қалыбеков Фазыл Төремұратұлы үшін – 210 дауыс, кандидат Сәду Жасұлан Хабидуллаұлы үшін – 1670 дауыс және «Барлығына қарсы» белгісімен – 70 дауыс берілді.
Дауыс беру қорытындысымен Сәду Жасұлан Хабидуллаұлы Қызылорда қаласы Белкөлкенті әкімі болып сайланды.
Сәду Жасұлан Хабидуллаұлы – 1987 жылы туған, ұлты қазақ, Қызылорда қаласы Белкөл кентінің әкімі. Қызылорда қаласында тұрады. «АMANAT» партиясының мүшесі, «АMANAT» партиясы ұсынған.
Қазақстан Республикасының 1995 жылғы 28 қыркүйектегі «Қазақстан Республикасындағы сайлау туралы» Конституциялық заңының 45, 113-11-баптарына сәйкес, Қызылорда қалалық сайлау комиссиясы 2026 жылғы 20 сәуірдегі №21 шешімімен Сәду Жасұлан Хабидуллаұлын Белкөл кентінің әкімі ретінде тіркеді.
САЙЛАНҒАН ӘКІМГЕ КУӘЛІК ТАБЫСТАЛДЫ
2026 жылғы 21 сәуірде Қызылорда қаласы әкімінің актив отырысында қалалық сайлау комиссиясының төрағасы Ғ.Баймырзаев Белкөл кентінің әкімі ретінде сайланған Сәду Жасұлан Хабидуллаұлына куәлік табыс етті.
Жасұлан Сәду 1987 жылы 06 қазанда дүниеге келген.
20 жылдан астам уақыт мемлекеттік құрылымдардағы түрлі жауапты қызметтерді атқарды. Еңбек жолын ЖШС-де бастап, 2013 жылдан Белкөл кенті әкімі аппаратының жетекші маманы, бас маманы, кент әкімі қызметтерін атқарған.
Сайлауда «АMANAT»партиясы ұсынған.
Қызылорда қалалықсайлау комиссиясы