Жітіқара ауданында этносаралық келісімді нығайтуға және дін мәселелері бойынша сауаттылықты арттыруға бағытталған жоба аясында «KEGOK» АҚ және «МетЛитКом» ЖШС еңбек ұжымдарымен кездесулер өтті.
Кездесудің тақырыбы ақпараттық кеңістіктегі қауіпсіздік және жастардың деструктивті ағымдардың қызметіне тартылуы мәселесіне арналды. Жоба жетекшісі Юлия Калюжная қатысушыларға компьютерлік ойындар мен әлеуметтік желілер арқылы деструктивті діни идеологияның таралуына байланысты қауіптер туралы, сондай-ақ манипуляциялық контентті тану жолдары жөнінде айтып берді.
Кездесу барысында деструктивті діни ағымдардан зардап шеккендерге көмек көрсету орталығының жұмыс тәжірибесінен мысалдар келтірілді. Қатысушылар адамдарды өз қатарына тартушылардың психологиялық ықпал ету әдістерін қалай қолданатынын, қолдау көрсеткендей әсер қалыптастырып, біртіндеп олардың дүниетанымы мен әлеуметтік байланыстарын өзгертетін жабық қауымдастықтарға қалай тартатынын білді.
Іс-шара барысында сыни ойлауды дамытуға, интернет көздерінен алынған ақпаратты тексеруге және түрлі манипуляцияларға қарсы тұру қабілетін қалыптастыруға ерекше назар аударылды. Қатысушылар өздерін қызықтырған сұрақтарын қойып, өңір тұрғындары кездесетін нақты жағдайларды талқылады.
Іс-шаралар «Қостанай облысы психологтарының қауымдастығы» қоғамдық қорының ұйымдастыруымен, Жітіқара ауданы әкімдігінің ішкі саясат бөлімінің тапсырысы бойынша өткізілді.