Мемлекеттік қызметші әлеуметтік желіні қолданған кезде интернет желісінің басқа қолданушыларымен әңгімелесуде сыпайылылық танытуы қажет, өз парақшасында құпия немесе жабық ақпаратты жарияламауы, қазіргі конституциялық құрылымды өзгертуге, сепаратизмге немесе егемендіктен бас тартуға шақыратын қолданушыларды достар тізіміне қабылдамауы тиіс.
Бұдан басқа, мемлекеттік қызметшіге өздерінің әлеуметтік желілерінің аккаунттарында көңіл көтеру орындарында түскен суреттерін, шетелде түскен, қымбат автомашиналарда, мейрамханаларда түскен суреттерін салуға болмайды, сондай-ақ өздерінің қымбат бұйымдарын, киімдерін көрсетуге болмайды.