Мүгедектігі бар адамдардың сайлау құқықтарын қамтамасыз ету жөніндегі Жұмыс топтарының сайлау учаскелері орналасқан ғимараттарды мониторинг туралы ақпарат
Ағымдағы жылдың сәуір айынан бастап маусым айына дейін Ақтөбе қаласы мен облыстың 12 ауданында мүгедектігі бар адамдардың сайлау құқықтарын қамтамасыз ету жөніндегі Жұмыс топтары 511 сайлау учаскелер орналасқан ғимараттарда тексеру жұмыстарын жүргізді. Мониторинг топтарының құрамына қала және аудан әкімдерінің орынбасарлары, қала және аудандардың аумақтық сайлау комиссияларының мүшелері, жергілікті атқарушы органдардың бөлім басшылары, мәслихат депутаттары, мүгедектігі бар адамдар қоғамдық бірлестіктерінің жетекшілері мен өкілдері, бұқаралық ақпарат құралдарының өкілдері енгізілген. Мониторингке барлығы 95 Жұмыс тобының мүшесі қатысты.
Жұмыс тобының отырыстарында Ақтөбе қаласындағы, Алға, Байғанин, Мәртөк, Мұғалжар, Ойыл, Хромтау аудандарындағы автотұрақтарды, тактильді көрсеткіштерді жаңарту және пандустардағы сәйкессіздіктерді жоюға қатысты мәселелер талқыланды. Осылайша, 41 сайлау учаскесінде автотұраққа қатысты ескертулерді жою жұмыстары жүргізілді, 10 сайлау учаскесінде пандустағы қатысты кемшіліктер жойылды, ал 34 сайлау учаскесінде тактильді белгілер жаңартылып, орнатылды. 12 СУ ғимарат кіреберістегі баспалдақта тұтқалары жаңартып, орнатылды.
Сондай-ақ, Ақтөбе қаласы мен Байғанин, Қарғалы, Қобда, Шалқар аудандарының жұмыс топтары мүшелерінің мониторинг нәтижелері бойынша сайлау учаскелерінде мүгедектігі бар адамдардың дауыс беруіне жаңа инновациялық тәсілдерді енгізу мәселесі қарастырылды. 20 тамызға дейін 5 сайлау учаскесінде мүгедектігі бар адамдарға арналған қосымша инновациялық дауыс беру құрылғылары орнатылады.
Облыс бойынша азаматтардың тіркелген жері бойынша учаскелердің саны – 511. Барлық учаскелер «Қолжетімділік картасы» порталына енгізілген. Сайлау учаскелері бірінші қабаттарда орналасқан.
Сайлау учаскелерінің шақыру батырмасы, кіреберісінде және дауыс беруге арналған үй-жайларда тактильді көрсеткіштер орнатылды. Сондай-ақ, учаскелерде кресло-арбаларды пайдаланатын сайлаушыларды жасырын дауыс беруге арналған кабиналар мен стендтер қарастырылған. Дауыс беру учаскелерінде мүгедектігі бар азаматтарға арналған бұрыштар бар, олар компьютермен, құлаққаппен, үлкейткіш әйнекпен, аудиобюллетень, Брайль карпі трафарареттер, қосымша жарықтандырумен жабдықталған.
Облыс бойынша мүгедектігі бар азаматтардың саны - 2 715 адам, оның ішінде кресло-арбаларды пайдаланатын – 1 127, есту қабілеті бұзылған 735, көру қабілеті бұзылған 853 адам. Брайль шрифтін пайдаланатындар 36 адам.
Дауыс беру күні 18 сурдоаудармашылары және 71 инватаксилер, сондай-ақ еріктілер қызметі ұйымдастырылатын болады.