"Атбасар ауданының жер қатынастары және сәулет бөлімі" ММ Сізге Қазақстан Республикасы Ауыл шаруашылығы министрінің 2020 жылғы 1 қазандағы № 301 бұйрығымен бекітілген Жер қатынастары саласындағы мемлекеттік көрсетілетін қызметтерді көрсету қағидаларына (бұдан әрі – Қағидалар) Қазақстан Республикасы Ауыл шаруашылығы министрінің 2026 жылғы 3 сәуірдегі № 118 бұйрығымен өзгерістер енгізілгенін ақпаратты қайта жеткізеді.
Енгізілген өзгерістер жер қатынастары саласындағы мемлекеттік көрсетілетін қызметтерді көрсету тәртібін жетілдіруге бағытталған және көрсетілетін қызметті алушылардың өтініштерін қарау кезінде жекелеген рәсімдерді, құжаттардың нысандарын және талаптарды түзетуді көздейді.
Негізгі өзгерістер келесі мемлекеттік көрсетілетін қызметтерді қамтиды:
- «Елді мекендер жерінен жер учаскесін беру» мемлекеттік көрсетілетін қызметі
Қағидалардың жаңа редакциясында жер учаскелерінің нысаналы мақсаттарының тізбесі келесі нысаналы мақсатпен толықтырылды:
«жеке қосалқы шаруашылық жүргізу, бағбандық, жеке тұрғын үй және саяжай құрылысы үшін».
Бұған дейін аталған нысаналы мақсаттар тізбеде көзделмеген.
Сонымен қатар, аталған бағыт бойынша өтініштерді қарау тәртібіне өзгерістер енгізілді. Көрсетілген нысаналы мақсат бойынша жер учаскелерін беру мәселесі жер комиссиясының қарауынсыз жүзеге асырылатын болады.
Сондай-ақ мемлекеттік көрсетілетін қызмет нәтижесінің жаңа нысаны – елді мекендер жерінен жер учаскесін беру туралы шешім бекітілді. Аталған нысанда жер учаскесінің құқық иеленушісі, жер учаскесіне құқық түрі, орналасқан жері, нысаналы мақсаты, алаңы, жер санаты және жер учаскесін беруге байланысты өзге де мәліметтер көрсетіледі.
- «Жер учаскесін жалдау мерзімін ұзарту» мемлекеттік көрсетілетін қызметі
Қағидалардың жаңа редакциясында жер учаскесін жалдау мерзімін ұзарту кезінде қойылатын талаптар тізбесі толықтырылды.
Әуеайлақ маңындағы аумақта орналасқан жер учаскесін жалдау мерзімін ұзарту кезінде әуе кемелерінің ұшу қауіпсіздігіне қауіп төндіруі мүмкін қызметті жүзеге асыруға берілген рұқсаттың электрондық көшірмесін ұсыну көзделген.
Аталған рұқсат Қазақстан Республикасы Үкіметінің 2011 жылғы 12 мамырдағы № 504 қаулысымен бекітілген әуе кемелерінің ұшу қауіпсіздігіне қауіп төндіруі мүмкін қызметті жүзеге асыруға рұқсат беру қағидаларына сәйкес берілуі тиіс.
Сонымен қатар мемлекеттік көрсетілетін қызметті көрсетуден бас тарту негіздерінің тізбесі толықтырылды.
Қосымша бас тарту негізі ретінде:
Қазақстан Республикасы Жер кодексінің 92-бабына сәйкес жергілікті атқарушы орган шешімдерін және уақытша өтеулі жер пайдалану шарты талаптарын орындамау, жер учаскесін ұзақ уақыт бойы пайдаланбау (егер жобалау-сметалық құжаттамада неғұрлым ұзақ мерзім көзделмесе) белгіленді.
- «Жер учаскелерін қалыптастыру жөніндегі жерге орналастыру жобаларын бекіту» мемлекеттік көрсетілетін қызметі
Қағидалардың жаңа редакциясында мемлекеттік көрсетілетін қызметті көрсетуден бас тарту негіздері болған жағдайда көрсетілетін қызметті берушінің әрекет ету тәртібі өзгертілді.
Көрсетілетін қызметті алушыға алдын ала бас тарту туралы шешім жөнінде хабарлама жіберу және көрсетілетін қызметті алушыға өз ұстанымын білдіруге мүмкіндік беру рәсімі алынып тасталды.
Енді мемлекеттік көрсетілетін қызметті көрсетуден бас тарту негіздері болған жағдайда көрсетілетін қызметті алушыға уәжді бас тарту жолданады:
- көрсетілетін қызметті берушінің уәкілетті тұлғасының электрондық цифрлық қолтаңбасымен қол қойылған электрондық құжат түрінде көрсетілетін қызметті алушының «жеке кабинетіне»;
- немесе белгіленген тәртіппен көрсетілетін қызметті беруші арқылы.
Назар аударыңыз!!!!
Аталған өзгерістер 2026 жылғы 12 шілдеден бастап күшіне енді.
Осыған байланысты жер қатынастары саласындағы мемлекеттік көрсетілетін қызметтерді жүзеге асыратын мемлекеттік органдар өзгерістер заңды күшіне енгеннен кейін жеке және заңды тұлғалардың өтініштерін қарау кезінде Қағидалардың жаңа редакциясындағы талаптардың қолданылуын қамтамасыз етуі қажет.
Енгізілген өзгерістермен жер қатынастары саласындағы мемлекеттік көрсетілетін қызметтердің басым көпшілік түрлері бойынша Қағидалардың жекелеген ережелеріне түзетулер көзделген.
Өзгерістер мемлекеттік көрсетілетін қызметтерді көрсету тәртібін жетілдіруге, өтініштерді қараудың жекелеген рәсімдерін нақтылауға, қызмет көрсету үшін қажетті құжаттарға қойылатын талаптарды өзектендіруге, көрсетілетін қызметті берушілер мен көрсетілетін қызметті алушылар арасындағы өзара іс-қимыл тәртібін өзгертуге, сондай-ақ мемлекеттік көрсетілетін қызмет нәтижелерінің нысандарын қолданыстағы заңнама талаптарына сәйкестендіруге бағытталған.
Жоғарыда айтылғандарға байланысты жер қатынастары саласында тиісті мемлекеттік қызметтер көрсету жөніндегі қызметті жүзеге асыру кезінде жер қатынастары саласында мемлекеттік қызметтер көрсету қағидаларының жаңа редакциядағы ережелерін басшылыққа алу қажет.
Осыған байланысты, біз азаматтар мен заңды тұлғалардан келіп түсетін жер қатынастары саласындағы мемлекеттік қызметтерді қарау кезінде жұмыста пайдалану және өзектілігін жоғалтқан ережелерді қолдануға жол бермеу үшін Енгізілген өзгерістер туралы осы ақпаратты Сізге Қайта жеткіземіз.
«Атбасар ауданының жер қатынастары, сәулет және
қала құрылысы бөлімі» ММ басшысы Ш. Нуртазин