2026 жылғы 24 шілдеде Қазақстан Республикасы Бәсекелестікті қорғау және дамыту агенттігі жанындағы Тауар нарықтарына кіру кедергілерін анықтау және жою жөніндегі кеңесінің отырысы (бұдан әрі – Кедергілер жөніндегі кеңес) А.Ж.Бикебаевтың төрағалығымен Qosyl бейнеконференцбайланыс арқылы Агенттік Төрағасының бірінші орынбасары Р.Н.Ахметовтың, Кедергілер жөніндегі кеңес мүшелерінің, құрылымдық бөлімшелер, мемлекеттік органдар өкілдерінің, нарық субъектілерінің қатысуымен өтті.
Отырыста келесі проблемалық мәселелер қаралды:
- шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты ұйымдастыру және өткізу;
- коммуналдық қалдықтарды басқару саласында конкурстарды өткізу рәсімдерінде нарыққа кіру;
- Ақтау қаласының аумағында қатты-тұрмыстық қалдықтарды жинау және тасымалдау қызметтері тауар нарығына кіру.
Белсенді талқылау және сындарлы пікір алмасу қорытындысы бойынша, кедергілер жөніндегі кеңес мүшелері анықталған проблемалық мәселелерді Республикалық кедергілер картасына енгізуді және оларды шешуге бағытталған жұмысты жалғастыруды ұсынды.