Қосымша
Қазақстан Республикасы Бәсекелестікті қорғау және дамыту агенттігінің 2026 жылғы ІІ тоқсан бойыншамемлекеттік қызметтер көрсету туралыталдамалық анықтама
- Мемлекеттік қызметтер түрі:
Қазақстан Республикасының Бәсекелестікті қорғау және дамыту агенттігімен (бұдан әрі –- Агенттік) 2 мемлекеттік қызмет көрсетіледі:
- «Экономикалық шоғырлануға келісім беру туралы өтінішхаттарды қарау»;
- «Тауар биржалары саласындағы қызметті жүзеге асыруға лицензия беру».
- Мемлекеттік қызметтер көрсету саласындағы заңнамалар:
- Қазақстан Республикасы Ұлттық экономика министрінің 2020 жылғы
21 сәуірдегі №29 бұйрығымен бекітілген «Экономикалық шоғырлануға келісім беру туралы өтінішхаттарды қарау» мемлекеттік қызмет көрсету қағидалары; - Агенттік төрағасының 2021 жылғы 2 сәуірдегі №6 бұйрығымен бекітілген «Тауар биржалары саласындағы қызметті жүзеге асыруға лицензия беру» мемлекеттік қызмет көрсету қағидалары.
- Мемлекеттік қызметтер көрсету саны мен сапасы бойынша ақпарат:
- «Экономикалық шоғырлануға келісім беру туралы өтінішхаттарды қарау» мемлекеттік қызмет бойынша:
«Экономикалық шоғырлануға келісім беру туралы өтініштерді қарау» мемлекеттік қызметі электрондық түрде «Е-лицензиялау» ақпараттық жүйесінде (https://elicense.kz/ ) жүзеге асырылады.
2026 жылдың ІІ тоқсанында 48 мемлекеттік қызмет көрсетілді, оның ішінде:
- 31 өтінішхаттар есепті кезеңде түскен (келісім берілді – 9, мәміле сұрау салуға және талдау жүргізуге байланысты тоқтатылды – 15, материалдардың толық болмауына байланысты қарауға қабылданбады – 2, монополияға қарсы органның келесімін талап етпейді – 2, қаралуда – 3);
- 2025 жылдан өткен 2 өтінішхат бойынша келісімдер ұсынылды. Сонымен қатар, 2026 жылдың І тоқсанында түскен 15 өтінішхат бойынша келісімдер берілді.
- «Тауар биржалары саласындағы қызметті жүзеге асыруға лицензия беру» мемлекеттік қызметі бойынша:
«Тауар биржалары саласындағы қызметті жүзеге асыруға лицензия беру» мемлекеттік қызметі электрондық түрде «Е-лицензиялау» ақпараттық жүйесінде (https://elicense.kz/ ) жүзеге асырылады.
2026 жылдың ІІ тоқсанында «Тауар биржалары саласындағы қызметті жүзеге асыруға лицензия беру» мемлекеттік қызметі бойынша тауар биржасы қызметіне 2 лицензия берілді:
- тауар биржасы секторындағы клирингтік қызметті жүзеге асыруға 0 лицензия;
- тауар биржасы саласында делдалдық қызметті жүзеге асыруға 2 лицензия.
Мемлекеттік қызметтерді көрсету саласында Қазақстан Республикасының заңнамасын бұзу фактілері анықталған жоқ.
«Мониторинг» ИАЖ-не сәйкес мемлекеттік қызметтер көрсету мерзімдерінің бұзу және көрсетуден негізсіз бас тарту фактілері анықталған жоқ, мемлекеттік қызмет көрсету сапасына шағымдар түскен жоқ.