Абай облысында жергілікті атқарушы органдармен мемлкеттік қызметтерді
14 басқарма және олардың ведомстволық бағынысты ұйымдары, 12 қалалар мен аудандардың әкімдіктері, оның ішінде дербес бөлімдер, олардың ведомстволық бағынысты ұйымдары, ауылдар, кенттер, ауылдықокругтер әкімдерінің аппараттары көрсетеді.
Мемлекеттік көрсетілетін қызметтер тізіліміне сәйкес жергілікті атқарушы органдар 186 мемлекеттік қызмет түрін көрсетеді. Оның ішінде Абай облысының қалалары мен аудандарының әкімдіктері мемлекеттік қызметтің 65 түрін, Абай облысының әкімдігінің басқармалары 79 түрін, ведомстволық бағынысты ұйымдары (мансаптық орталықтар, балалар-жасөспірімдер спорт мектептері, барлық түрдегі мектепке дейінгі ұйымдар, медициналық ұйымдар) 42 қызмет түрін көрсетеді.
2025 жылдың 12 айының қорытындысы бойынша Абай облысының жергілікті атқарушы органдары 8 млн-нан астам мемлекеттік қызмет көрсетті, оның ішінде электрондық түрде көрсетілген қызметтердің үлесі шамамен 99% немесе 8 622 268 қызметті құрайды.
Анықтама үшін:
2025 жыл ішінде барлығы 8 711 970 мемлекеттік қызмет көрсетілді. Қағаз түрінде қызмет көрсетушінің кеңсесі арқылы – 21 869 (0,25%) қызмет көрсетілді. Қызмет көрсетушінің кеңсесі арқылы көрсетілген – 55 753 (0,64%) қызмет. «Азаматтарға арналған үкімет» мемлекеттік корпорациясы» КЕАҚ (ХҚКО) арқылы – 12 080 (0,14%). «Электрондық үкімет» порталы арқылы – 8 622 268 қызмет.
Абай облысы бойынша 2025 жылы жергілікті атқарушы органдармен (облыс әкімі аппараты, қалалар мен аудандар әкімдері, мемлекеттік қызмет көрсететін ведомстволық бағынысты ұйымдары бар облыстық басқармалар) 81 бақылау іс-шарасы өткізілді.
Өткізілген іс-шаралардың нәтижесінде мемлекеттік қызметтер көрсету саласындағы заңнама талаптарының 903 бұзушылығы анықталды.
Мемлекеттік қызметтер көрсету мерзімдерінің бұзылуы – 13 (1,3%).
Мемлекеттік қызметтер көрсету бизнес-процестерінің бұзылуы – 721 (79,9%).
Негізсіз бас тартулар – 49 (5,4%).
Құжаттардың «толық емес» топтамасымен мемлекеттік қызметтер көрсету – 22 (2,4%).
Мемлекеттік қызметтер көрсету саласындағы заңнаманың өзге талаптарының бұзылуы (мүмкіндігі шектеулі адамдар үшін жағдайлардың болмауы, есептік деректердегі сәйкессіздіктер және т.б.) – 98 (10,9%).
Бақылау іс-шараларының қорытындысы бойынша жергілікті атқарушы органдардың
7 маманы тәртіптік жауапкершілікке тартылды.
2025 жылы Абай облысының жергілікті атқарушы органдарымен 855 түсіндіру іс-шарасы өткізілді, халықты қамту – 420 мың адамды құрады.
«Abai eli» газетінде 10 мақала, Абай облысының жергілікті атқарушы органдарының әлеуметтік желілердегі (Instagram, Facebook) парақшаларында 65 тікелей эфир өткізілді. Бірыңғай ақпараттық ресурстар порталдарының сайттарында 589 жарияланым, түсіндіру жұмыстары (жиналыстар, кездесулер) жүргізілді.
Облыс әкімдігі «электрондық үкімет» порталы сервистері арқылы мемлекеттік қызметтерді электрондық форматта алуды танымал ету бойынша тұрақты негізде шаралар қабылдауда (ақпараттық-түсіндіру іс-шараларын өткізу, мемлекеттік қызметтер жәрмеңкелері, БАҚ-та жарияланымдар және т.б.).
Облыс бойынша 300-ден астам өзіне-өзі қызмет көрсету бұрыштары жұмыс істейді, олар арқылы 350 000 мыңнан астам электрондық қызмет көрсетілген. Бұрыштардағы консультанттар халыққа «электрондық үкімет» порталы сервистері, Egov Mobile мобильді қосымшасы, Telegram-бот @EgovKzBot2.0 арқылы электрондық қызметтерді өз бетінше алу бойынша түсіндіру жұмыстарын жүргізеді.
2025 жылы Қазақстан Республикасы Мемлекеттік қызмет істері агенттігінің мемлекеттік әлеуметтік тапсырысы шеңберінде мемлекеттік қызметтер көрсету сапасына қоғамдық мониторинг жүргізілді. Әлеуметтік зерттеу барысында мемлекеттік қызметтердің 13 түрі бойынша 538 респондент сауалнамаға қатысты.
Қоғамдық мониторинг қызмет алушылардың қызмет көрсетушілер ұсынатын мемлекеттік қызметтердің сапасына, қолжетімділігіне және рәсімдеріне қанағаттану деңгейін анықтау, сондай-ақ мемлекеттік қызметтер көрсету кезінде проблемалық мәселелерді анықтау мақсатында жүргізіледі.
Зерттеу қорытындысы бойынша Абай облысының жергілікті атқарушы органдарының бағасы 4,79 балды, қанағаттану деңгейі — 79,7%-ды құрады.
2024 жылмен салыстырғанда +0,35 балл немесе 9,1% оң динамика байқалады (2024 жылы – 4,44 балл немесе 70,6%).
2023–2025 жылдар аралығында жергілікті атқарушы органдардың мониторинг нәтижелерінің салыстырмалы талдауына сәйкес халықтың мемлекеттік қызметтер көрсету сапасына қанағаттану динамикасы +15,5% немесе 0,42 балды құрады.