Ақмола облысы мәслихаттарының қызметін үйлестіру жөніндегі кеңес отырысының
Хаттамасы
Көкшетау қ. 2026 ж. 21 сәуір
11.00
Қатысқандар: қалалық пен аудандық мәслихаттардың төрағалары (тізім қоса беріледі)
Төрағалық етуші: Б.А.Жүсіпов – Ақмола облыстық мәслихатының төрағасы
ОТЫРЫСТЫҢ КҮН ТӘРТІБІ:
- Өкілді органдар мен Қоғамдық кеңестердің өзара іс-қимылы
- Мәслихаттардың барлық деңгейдегі сайлау комиссияларын қалыптастыру мәселелері туралы
- ҚР БП 2023 жылғы 04.01. №4 бұйрығымен бекітілген ӘРПК негізгі талаптарын және өтініштерді тіркеу және есепке алу қағидаларын түсіндіру
- Мәтіннен мазмұнға дейін. 2026 жылы қандай ЖИ қолдану керек
Сөз сөйлегендер:
- Құлышев Қабдуали Қабыкенұлы - Қоғамдық кеңестің төрағасы
- Политкин Николай Афанасьевич - облыстық аумақтық сайлау комиссиясы төрағасының орынбасары
- Құдабаева Ләззат Айтбайқызы - ҚР БП Құқықтық статистика және арнайы есепке алу комитетінің Ақмола облысы бойынша департаментінің өтініштерді талдау және бақылау бөлімінің бастығы
- Қуаныш Мұқышев – «Көкшетау Маркетинг» комьюнити көшбасшысы. Креатор
Күн тәртібіндегі мәселелер бойынша сөйлегендердің баяндамаларын тыңдап, талқылап, қаралған мәселелердің өзектілігін, мемлекеттік органдар мен азаматтық қоғам институттарының өзара іс-қимылының тиімділігін арттыру қажеттігін, сондай-ақ заңнама талаптарын сақтаудың және қазіргі заманғы цифрлық шешімдерді енгізудің маңыздылығын атап өтіп, мәслихаттар қызметін үйлестіру жөніндегі кеңес мүшелері мынадай ұсынымдарды қабылдады:
- Баяндамашылардың ақпараты назарға алынсын және әрі қарай жұмыста қолдансын.
- Мәслихаттардың Қоғамдық кеңестермен жүйелі өзара іс-қимылын, оның ішінде тұрақты ақпарат алмасуды, өңірлік дамудың өзекті мәселелері бойынша бірлескен отырыстар мен қоғамдық талқылаулар өткізуді қамтамасыз ету.
- Барлық деңгейдегі сайлау комиссияларын қалыптастыру кезінде Қазақстан Республикасы заңнамасының талаптарын қатаң сақтауды қамтамасыз ету.
- Қазақстан Республикасының Әкімшілік рәсімдік-процестік кодексі (ӘРПК) нормаларының, сондай-ақ жеке және заңды тұлғалардың өтініштерін тіркеу және есепке алу Қағидаларының сақталуын бақылауды күшейту.
- Деректерді талдау және жұмыс процестерін автоматтандыру құралдарын игеруді қоса алғанда, мәслихаттар депутаттары мен аппараттары қызметкерлерінің цифрлық сауаттылығын дамытуға жәрдемдесу.
- Мәслихаттар қызметінің ашықтығы мен қолжетімділігін арттыру үшін заманауи цифрлық платформалар мен құралдарды (әлеуметтік желілер, онлайн-қабылдау бөлмелері, цифрлық кері байланыс сервистері) пайдалануды ұсыну.
Ақмола облысы
мәслихаттарының қызметін
үйлестіру кеңесінің төрағасы Б. Жүсіпов