2026 жылғы 21 шілдеде Қарағанды облысының аумақтық сайлау комиссиясы Құрылтай Республикасы депутаттарының 2026 жылғы 23 тамызға тағайындалған сайлауына партиялық тізімдерін ұсынған саяси партиялардың облыстық филиалдарының өкілдерімен семинар өткізді.
Семинар барысында Қарағанды облысының аумақтық сайлау комиссиясының мүшесі Г.Х. Қантарбекова қатысушыларға «Қазақстан Республикасындағы сайлау туралы» Қазақстан Республикасының Конституциялық заңының негізгі талаптарын жан-жақты түсіндірді.
Кездесу барысында саяси партиялардың сенім білдірілген адамдарын тіркеу тәртібі, сайлауалды үгіт-насихат жұмыстарын жүргізу қағидалары және пайдалану, бұқаралық ақпарат құралдары және онлайн-платформалармен өзара іс-қимыл жасау, сайлаушылармен кездесулер ұйымдастыру, сондай-ақ сенім білдірілген адамдар мен байқаушылардың құқықтары мен міндеттері жөнінде түсіндірме жұмыстары жүргізілді.
Сонымен қатар қатысушыларға Құрылтай депутаттарының сайлауын әзірлеу мен өткізудің негізгі іс-шараларының күнтізбелік жоспары, сайлауалды үгіт-насихат кезеңінің мерзімдері және сайлау процесіне қатысушылар үшін тең жағдайларды қамтамасыз етуге бағытталған заңнама талаптары таныстырылды.
Осындай іс-шараларды өткізу сайлау процесіне қатысушылардың құқықтық сауаттылығын арттыруға, сайлау заңнамасының талаптарын бірізді түсінуге және сайлауды заңдылық, ашықтық пен жариялылық қағидаттарына сәйкес ұйымдастыруға ықпал етеді.
