Қазақстан Республикасында тіл саясатын дамытудың 2023–2029 жылдарға арналған тұжырымдамасы мен «Қазақстан Республикасындағы тіл туралы» Заң талаптарын іске асыру бағытында өңірде жүйелі жұмыстар жүргізілуде.
2026 жылғы І жартыжылдығында Тілдерді оқыту орталығы арқылы 282 адам (93 – мемлекеттік тіл, 91 – орыс тілі, 98 – ағылшын тілі) тілдік курстардан өтіп, сертификат алды. Сонымен қатар, 11 мекемеде тіл туралы заң талаптарының сақталуына тексеру жүргізіліп, анықталған кемшіліктер бойынша ұсынымдар берілді.
«Аймақта мемлекеттік тіл саясатын іске асыру» әлеуметтік жобасы аясында «Жастар және мемлекеттік тіл» дебат турнирі және «Тіл Quiz» интеллектуалдық сайысы ұйымдастырылды.
Есепті кезеңде 9 мекемеге оқу-әдістемелік құралдар таратылып, 5 мақала жарияланды. Қазақ тіліндегі интернет контентті арттыру мақсатында Уикипедияны толықтыру жұмыстары жалғасуда. Сондай-ақ, орталықтың әлеуметтік желілерінде «Сөзтүзер», «Ұлылар ұлағаты», «Трендтегі сленгтер», «Practical English» айдарлары тұрақты жүргізілуде.
Есепті мерзімде облыстық ономастика комиссиясының І отырысы өткізілді.
Сонымен қатар «Сыр өңірінің эргонимдері» әлеуметтік жобасы аясында Қызылорда қаласы мен барлық аудан орталықтарында зерттеу жүргізіліп, өңірдегі эргонимдерге қатысты материалдар жинақталды.
Көрнекі ақпараттың заң талаптарына сәйкестігін зерделеу мақсатында 58 рейдтік іс-шара өткізіліп, 21 кәсіпкерлік субъектісіне заң бұзушылықтарды жою жөнінде ұсынымдар берілді. Сонымен қатар,
6 кәсіпкерлік нысанға қатысты әкімшілік құқық бұзушылық туралы хаттамалар рәсімделді. Түсіндіру жұмыстарын күшейту мақсатында «Көрнекі ақпарат және заң» тақырыбындағы ақпараттық бейнеролик әзірленіп, бұқаралық ақпарат құралдары мен әлеуметтік желілерде кеңінен таратылды.