Қазақстан Республикасының Су ресурстары және ирригация министрлігі су қорын пайдалану және қорғау, сумен жабдықтау, су бұру және ирригация аясындағы бақылау салаларында мемлекеттік саясатты қалыптастыруда және іске асыруда, басқару процестерін үйлестіруде басшылықты жүзеге асыратын Қазақстан Республикасының мемлекеттік органы болып табылады.
Министрліктің мынадай ведомстволары бар:
Қазақстан Республикасы Су ресурстары және ирригация министрлігінің Су шаруашылығы комитеті;
Қазақстан Республикасы Су ресурстары және ирригация министрлігінің Су ресурстарын реттеу, қорғау және пайдалану комитеті.
2026 жылғы 17 шілдеде сағат 15:00-де Су ресурстары және ирригация министрі Нұржан Нұржігітовтің Қызылорда облысы Сырдария ауданының тұрғындарымен кездесуі өтеді. Өтетін орны: Сырдария ауданы, Тереңөзек кенті, А. Иманов көшесі, 1, «Руханият» орталығы.
Су ресурстары және ирригация министрлігі бұқаралық ақпарат құралдарының өкілдерін елорда мен Ақмола облысының су қауіпсіздігін қамтамасыз ететін аса маңызды екі нысан - Астана су қоймасы мен Астана қаласының қорғаныс бөгетін ауқымды жаңғырту жұмыстарының барысымен танысуға арналған баспасөз турына шақырады. Баспасөз турында журналистер Астана су қоймасының су жіберу құрылғысын, сондай-ақ Астана қорғаныс бөгетінің контрреттегіші мен салынып жатқан су бұру каналын аралап, нысандардағы құрылыс және жаңғырту жұмыстарының барысымен тікелей таныса алады. Астана қаласының қорғаныс бөгетін реконструкциялау жобасы аясында бөгет 4 шақырымға нығайтылып, ұзартылады. Сонымен қатар автоматтандырылған апатты су жіберу құрылысы мен ұзындығы 23 шақырымнан асатын, Нұра өзеніне шығатын су бұру каналы салынып жатыр. Жоба елорданы су тасқынынан қорғау деңгейін арттырумен қатар, іргелес аумақтардың гидрологиялық режимін жақсартуға, сулы-батпақты экожүйелердің, оның ішінде қамысты биотоптардың сақталуы мен дамуына қолайлы жағдай жасауға мүмкіндік береді. Сондай-ақ жоба су құстарының мекен ету ортасын және су биологиялық ресурстарын, оның ішінде Қорғалжын көлдер жүйесі бағытындағы табиғи ортаны сақтауға ықпал етеді. Есіл өзенінің ағынын реттейтін Астана су қоймасы - елорданы ауыз сумен қамтамасыз етуге арналған стратегиялық нысан. Ондағы гидротехникалық құрылыстарды реконструкциялау су қоймасының сенімділігі мен тұрақтылығын арттырып, оның қауіпсіз пайдаланылуын қамтамасыз етуге бағытталған. Баспасөз турында Су ресурстары және ирригация министрлігінің мамандары табиғи апаттардың алдын алу, жергілікті экожүйелерді сақтау, сондай-ақ тасқын суды қауіпсіз өткізу және жинақтау бағытында атқарылып жатқан жұмыстар туралы толық ақпарат береді. Өтетін күні: 15 шілде 2026 жыл Жүру уақыты: 09:00 Жиналу орны: Қазмедиа орталығы(Д.Қонаев көшесі, 4) Аккредитация бойынша: +7 777 855 5077 (Аружан) Аккредиттеу: 14 шілде күні сағат 16:00-ге дейін жалғасады.
2026 жылғы 11 маусымда сағат 11:30-да Су ресурстары және ирригация министрі Нұржан Нұржігітовтің Жамбыл облысының тұрғындарымен кездесуі өтеді. Өтетін орны: Жамбыл ауданы, Аса ауылы, Абай көшесі, 22, Жастар ресурстық орталығы.
2026 жылғы 4 маусымда сағат 15:30-да Су ресурстары және ирригация министрі Нұржан Нұржігітовтің Атырау облысының тұрғындарымен кездесуі өтеді. Өтетін орны: Атырау облысы, Махамбет ауданы, Махамбет ауылы, Ж. Жабаев көшесі, 4, «Өнерпаз» мәдениет үйі. Басталу уақыты: 4 маусым, сағат 15:30.
Су ресурстары және ирригация министрі Нұржан Нұржігітовтің Түркістан облысы Ордабасы ауданының тұрғындарымен кездесуі өтеді. Өтетін күні 27.03.2026 жыл Уақыты: 11:00 Кездесу орны: Түркістан облысы, Ордабасы ауданы, Темірлан ауылы, Т.Рысқұлов көшесі, 14 (Ордабасы ауданы әкімдігінің ғимараты)
Су ресурстары және ирригация министрлігінің қызметіне «Сыбайлас жемқорлыққа қарсы күрес туралы» Қазақстан Республикасы Заңының 8-бабына сәйкес 2026 жылдың 19 қаңтарынан сыбайлас жемқорлық тәуекелдеріне ішкі талдау жүргізу жоспарланып отыр. Сыбайлас жемқорлық тәуекелдеріне ішкі талдау келесі бағыттар бойынша жүргізіледі: 1) талдау объектісінің қызметін қозғайтын нормативтік құқықтық актілердегі сыбайлас жемқорлық тәуекелдерін анықтау; 2) талдау объектісінің ұйымдастырушылық-басқару қызметіндегі сыбайлас жемқорлық тәуекелдерін анықтау. Сұрақтар туындаған жағдайда мына телефон нөмірі бойынша хабарласа аласыздар +7 707 436 1915
Мемлекет басшысының «Таза Қазақстан» бастамасы аясында ұйымдастырылған «Мөлдір бұлақ» республикалық экологиялық акциясының екі кезеңі шеңберінде еліміздің барлық өңірінде бұлақтар мен су айдындарының жағалауларын тазалау және абаттандыру жұмыстары жүргізілді.
Су ресурстары және ирригация министрлігінің бастамасымен «Таза Қазақстан» жалпыұлттық акциясы аясында ұйымдастырылған «Мөлдір бұлақ» республикалық экологиялық акциясының екінші кезеңі еліміздің 12 облысында өтті. Акция барысында бұлақтар мен су айдындарының аумағы тазартылып, абаттандыру жұмыстары жүргізілді.
Министрлік су нысандары, су шаруашылығы инфрақұрылымы, су пайдаланушылар, жерасты суы және саланың өзге де элементтері туралы деректерді біріктіретін Су ресурстарының ұлттық ақпараттық жүйесін әзірледі. Оның негізгі міндеті – басқарушылық шешімдер қабылдау үшін бірыңғай, сенімді және өзекті деректер базасын қалыптастыруды қамтамасыз ету.
Ыбырай Жақаев атындағы Қазақ күріш шаруашылығы ғылыми-зерттеу институты отандық автоматтандырылған су өлшеу құрылғыларын сынақтан өткізуді бастады. Бұл құрылғылар суару каналының жеті нүктесіне орнатылған. Бұл суару суын есепке алу дәлдігін арттырып, оны пайдалануды бақылаудың ашықтығын қамтамасыз етуге мүмкіндік береді.
Қазақ су шаруашылығы ғылыми-зерттеу институты мен Қытайдың «Үш шатқал» электр энергетикасы кәсіптік колледжі арасындағы меморандум аясында Тараз қаласында ҚазСШҒЗИ базасында бірлескен Оқу орталығы құрылды. Орталық Қазақстанның су шаруашылығы саласы мамандарын қайта даярлауға, сондай-ақ оқу семинарлары мен тренингтер өткізуге арналған.
