Қазақстан Республикасы Көлік министрлігінің Автомобиль жолдары комитеті

Жалпы ұзындығы 217 шақырым құрайтын «Атырау-Астрахань» автомобиль жолын реконструкциялау 2018 жылдың соңында республикалық бюджет қаражаты және ХҚИ қарыздары есебінен басталып «Лянкяран жол Тикинти», «TodiniCostruzioni Generali S. p.a», «Ant Insaat Maden Sanayi A. S», және «Сине Мидас Строй» компаниялары тартылған. Қозғалыс 80 шақырым бойы жаңа жабын бойынша ашылды, учаске бойынша жұмыстарды аяқтау ағымдағы жылы жоспарланған.

ҚХР ЭксИмБанк қарызы есебінен 2019 жылы жалпы ұзындығы 363 шақырым құрайтын «Қарағанды – Балқаш» учаскесін қайта жаңартуды іске асыру басталды, онда «CITIC Construction» компаниясы іске қосылды. Бүгінгі таңда қозғалыс 281 шақырымға ашық, 2023 жылдың қорытындысы бойынша учаскенің барлық кезеңінде қозғалыс ашу жоспарлануда. Жобаның толық аяқталуы 2024 жылы жоспарланған.

2022 жылдың қорытындысы бойынша республикалық маңызы бар автожолдардың нормативтік жағдайдағы үлесі 91% - ды және жергілікті маңызы бар жолдардың үлесі 85% - ды құрады.

2022 жылдың қорытындысы бойынша I және II-техникалық санаттағы жолдардың үлесі 35% (8,6 мың км) құрайды

2023 жылға II техникалық санаттағы автожолдардың 2,5 мың шақырымына ақылы жол енгізу жоспарланған. Анықтама үшін : «Қызылорда-Арал», «Ақтөбе-Орал», «Ақтөбе-Орынбор», «Ақтау-Шетпе-Бейнеу-Ақжігіт», «Павлодар-Семей», «Орал-Саратов», «Көкшетау-Петропавл», «Астана-Атбасар», «Павлодар-Омбы», «Семей- Қалбатау» (2,5 мың км). Бұдан басқа, бүгінгі күні 1 айға және 1 жылға (365 күн) абонементтер ресімдеу мүмкіндігімен көлік құралдарының барлық түрлері үшін абоненттік төлем енгізілді. 2023 жылы ақылы учаскелер бойынша жол жүру үшін болжамды алымдар шамамен 30 млрд. теңгені құрайтын болады.

Қазіргі уақытта республика бойынша ұзындығы 2,2 мың шақырым автожолдардың 11 ақылы учаскесі жұмыс істейді, олар 2013-2021 жылдар аралығында кезең-кезеңімен енгізілді. Анықтама үшін : 2013 жылы - «Астана-Щучинск» (211 шқ. ); 2019 жылы - «Астана-Теміртау», «Алматы - Қонаев», «Алматы - Қорғас» (682 шқ. ); 2021 жылы - «Астана-Павлодар», «Қонаев - Талдықорған», «Тараз - Қайнар», «Шымкент - Қызылорда», «Шымкент - Тараз», «Шымкент - Ташкент», «Щучинск - Көкшетау» (1 479 щқ. ). 2022 жылдың қорытындысы бойынша алымдар сомасы шамамен 25 млрд.теңгені құрады. Анықтама үшін: - ақылы учаскелерді жөндеуге және ұстауға-7,5 млрд. теңге; - бағдарламалық-аппараттық кешенді ұстауға - 5,2 млрд. теңге; - ақы алу жүйесі үшін жол-пайда лану техникасы мен жабдықтарын сатып алуға-6,5 млрд. теңге; - қосылған құн салығы және корпоративтік табыс салығы - 2 млрд. теңге; - басқа шығыстарға-3 млрд. теңге (инвестордың операциялық шығыстары бойынша резерв – 1,7 млрд. теңге және дебиторлық берешек бойынша резерв (пайдаланушылар) – 1,3 млрд); - республикалық бюджетке аударылды-256 млн.теңге. 2022 жылдың қорытындысы бойынша жаңа ақылы учаскелер енгізілмеді.