«Долинка кенті әкімінің аппараты» ММ

Қазақстан Республикасы Жер кодексінің 48-бабына сәйкес мемлекет меншігіндегі және жер пайдалануға берілмеген жер учаскелерін немесе жер учаскелерін жалға алу құқығын беру сауда-саттықта (аукциондарда) жүзеге асырылады. Сатуға арналған жер учаскесі сауда-саттыққа (аукционға): - жер учаскесінің шекараларын анықтағаннан кейін; - жер учаскесінің нысаналы мақсатын және оның кадастрлық (бағалау) құнын айқындағаннан кейін; - Сауда-саттықты (аукциондарды)өткізу туралы шешім қабылдағаннан кейін; - Сауда-саттықты (аукциондарды) өткізу туралы хабарлама жариялағаннан кейін шығарылады. Жергілікті атқарушы орган жер учаскесін немесе жер учаскесін жалға беру құқығын сатушы ретінде әрекет етеді. Жер учаскелерін сату бойынша сауда-саттық (аукциондар) немесе жер учаскелерін жалға алу құқығы орталық уәкілетті орган айқындаған тәртіппен Мемлекеттік мүлік тізілімінің сауда-саттықтары мен аукциондарын өткізуге арнлаған электрондық алаңда электрондық форматта өткізіледі. Хабарлама жарияланған күннен бастап Мемлекеттік мүлік тізілімінің веб-порталында конкурсқа қатысуға өтінім беру арқылы коммерциялық мақсаттар үшін жер учаскесін алу мүмкіндігі бар

«Жер учаскесін жалға алу мерзімін ұзарту» мемлекеттік көрсетілетін қызметі бойынша өтініш 10 жұмыс күні қаралады. Қызмет қағаз жеткізгіште көрсетіледі. Ол үшін меншік иесі сәйкестендіру құжатының көшірмесін (жер учаскесін уақытша өтеулі (ұзақ мерзімді, қысқа мерзімді) жер пайдалану (жалға алу) құқығына актіні не жер-кадастрлық жоспарды) және жер учаскесін уақытша (қысқа мерзімді, ұзақ мерзімді) өтеулі (өтеусіз) жер пайдалану (жалға алу) жасалған шарттың көшірмесін қоса бере отырып, белгіленген үлгідегі өтініш жазуы қажет. Бұл мемлекеттік қызметті көрсетудің нәтижесі - әкімдіктің қаулысы және жер учаскесін жалға алу шартын жасау болып табылады.

Жер учаскесін алу үшін электрондық үкімет порталында өтініш беру қажет eGov.kz. «Жылжымайтын мүлік» бөлімі – «жер қатынастары»,»жеке тұрғын үй құрылысына жер учаскесін қарау немесе кезекке қою (10 соток)» қызметі. Әрі қарай, өтініш түрін таңдау керек. Бүгінгі таңда өтініштің үш түрі бар: кезекке қою; деректерді өзектендіру; кезектен шығару. Егер Сіз учаске алу үшін бірінші рет кезекке тұрсаңыз, онда Сіз учаскені қай жерден алғыңыз келеді сол аймақты таңдауыңыз керек. Егер Сіз алдында кезекке тұрғаныңызға сенімді болсаңыз, бірақ өзіңіз туралы ақпарат таба алмасаңыз, онда Сіз «мәліметтерді жаңарту» деген өтініш түрін таңдауыңыз керек. Өз кезегін растау үшін кезекте тұрғандыңызыды растайтын құжатты (талонның сканер нұсқасы, өтініштің, жеке куәліктің көшірмесі және т.б.) жүктеу қажет. Сондай-ақ, Сіз ЭЦҚ авторизациялау арқылы өз кезегіңізді https://map.gov4c.kz/egkn/сайты арқылы бақылай аласыз. Жеке тұрғын үй құрылысына беруге арналған алаңдарды дайындау туралы ақпарат және кезекте тұрғандар тілік тізімі ашық ақпарат және бұл ақпарат әкімдіктердің веб-сайттарында және (немесе) жергілікті БАҚ-та жарияланады.

Рұқсат беру үшін мемлекеттік қала құрылысы кадастры (МҚК) жүйесі арқылы электрондық түрде ұсынылатын «құрылыс жобаларын (жеке тұлға) әзірлеу кезінде бастапқы материалдарды ұсыну» мемлекеттік қызметін алу қажет. Қызмет: - «Сәулет, қала құрылысы және құрылыс қызметі туралы» Қазақстан Республикасының Заңына; - Уәкілетті орган бекіткен құрылыс саласында құрылыс салуды ұйымдастыру және рұқсат беру рәсімдерінен өту қағидаларына; - Қазақстан Республикасының Үкіметі бекіткен Мемлекеттік қызметтер көрсету қағидаларына сәйкес көрсетіледі. Сәулет-жоспарлау тапсырмасы (СЖТ) — жоспарланған құрылыс немесе қайта құру объектісінің орналасуына, параметрлеріне және архитектуралық шешіміне қойылатын негізгі талаптарды анықтайтын құжат. Қажетті құжаттар: - мәлімдеме; - мүлікке және (немесе) жер учаскесіне құқық белгілейтін құжаттар. Қызмет көрсету мерзімі құжаттардың толық топтамасы берілген күннен бастап 10 жұмыс күніне дейін. Қызмет тегін көрсетіледі. Көрсетілетін қызметті беруші көрсетілетін қызмет нәтижесін көрсетілетін қызметті алушыға «жеке кабинетке» электрондық құжат нысанында жібереді.

Жылжымайтын мүлік объектісінің мекенжайын беру/жою» мемлекеттік қызметі электрондық үкімет порталы немесе ХҚКО арқылы мүлікке (тұрғын үйге) өтініш пен құжаттарды қоса бере отырып, электрондық түрде ұсынылады. Жылжымайтын мүлік объектісіне мекенжай беру/жою мынадай тәртіппен жүзеге асырылады: - «Жылжымайтын мүлік объектісінің мекенжайын беру/жою» мемлекеттік қызметіне өтініштер қабылдау; - Объектінің орналасқан жеріне бара отырып, жылжымайтын мүлік объектісіне мекенжай беру үшін фотофиксациямен тексеру актісін жасау; - Бұйрық қалыптастырылады және «Мекенжай тіркелімі» АЖ деректер енгізіледі; - Көрсетілетін қызметті беруші көрсетілетін қызметті алушының «жеке кабинетіне» электрондық құжат нысанында көрсетілетін қызмет нәтижесін жолдайды. «Жылжымайтын мүлік объектісінің мекенжайын беру/жою» қызметіне өтінішті қараудың жалпы мерзімі Астана қаласы, республикалық және облыстық маңызы бар қалалар үшін 3 (үш) жұмыс күнін және аудандар үшін 5 (бес) жұмыс күнін құрайды. Жылжымайтын мүлік объектісіне – тұрғын үйге тұрақты мекенжай беріледі.

Қарағанды облысы Шахтинск қалалық мәслихатының 2024 жылғы 26 желтоқсандағы № 385/16 "Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы" шешіміне сәйкес Шахтинск қаласының және оған іргелес Долинка, Новодолинский, Шахан кенттерінің аумағында жалғыз тұрғын үй ретінде меншік құқығында тұрған тұрғын үйде тұрақты тіркелген және тұратын аз қамтылған отбасыларға (азаматтарға), сондай-ақ мемлекеттік тұрғын үй қорынан тұрғын үйді және жеке тұрғын үй қорынан жергілікті атқарушы орган жалдаған тұрғын үйді жалдаушыларға (қосымша жалдаушыларға), чекті немесе шот-фактураны (жылыту маусымына есептегенде -7 ай) көрсете отырып, нақты шығыстар бойынша қатты отынды тұтынуды төлеуге әлеуметтік көмек көзделген - 16 айлық есептік көрсеткіш. Әлеуметтік көмек алу үшін өтініш беруші өзінен немесе отбасы атынан уәкілетті органға нысан бойынша өтінішті, сондай-ақ ең төменгі күнкөріс деңгейінің бір жарым еселенген мөлшерінен аспайтын жан басына шаққандағы орташа табыстың болу фактісін растайтын құжатты ұсынады.