Ақмола облысы Есіл ауданы Бұзылық ауылдық округі әкімінің аппараты

    Әкімдік туралы

    «Ақмола облысы Есіл ауданы Бұзылық ауылдық округі әкімінің аппараты» мемлекеттік мекемесі (бұдан әрі – әкімнің аппараты) Бұзылық ауылдық округ әкімінің (бұдан әрі – әкім) қызметін қамтамасыз ететін және Қазақстан Республикасының заңнамасында көзделген өзге де функцияларды жүзеге асыратын мемлекеттік мекеме болып табылады. Әкім аппараты өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне сәйкес жүзеге асырады

    Жаңалықтар

    Барлық жаңалықтар
    ОтырысАяқталды

    Су тасқыны кезеңінде жұқпалы аурулардың алдын алу бойынша халыққа арналған ЖАДЫНАМА

    Су тасқыны кезеңінде жұқпалы аурулардың алдын алу бойынша халыққа арналған ЖАДЫНАМА Су тасқыны кезеңінде жұқпалы аурулардың алдын алу мақсатында келесі сақтық шараларын сақтау ұсынылады: Ішуге және тамақ дайындауға тек бөтелкедегі немесе қайнатылған суды пайдалану; Су басқан аймақтардағы бұлақ, құдық және ұңғымалардың суын пайдаланбау; Бөтелкедегі ауыз судың қорын жасап, оны қақпағы тығыз жабылған, кеміргіштер жетпейтін ыдыстарда сақтау; Азық-түлік қорын қамтамасыз ету. Су тасқыны суына ұшыраған өнімдерді пайдаланбау. Өнімдердің жарамдылық мерзіміне назар аударып, оларды ылғал мен кеміргіштерден қорғалған жерде сақтау; Шикі түрде тұтынылатын көкөністер мен жемістерді мұқият жуып, кейін қайнаған сумен шаю; Жеке гигиена ережелерін сақтау: тамақ ішер алдында, дәретханадан кейін, серуеннен кейін, сондай-ақ тамақ дайындаудың алдында және кейін қолды сабынмен жуу; Жұқпалы ауру белгілері (дене қызуының көтерілуі, жүрек айну, құсу, іш өту, тамақ ауруы, бөртпе және т.б.) пайда болған жағдайда дереу медицина қызметкеріне жүгіну; Медициналық тексерулер кезінде шағымдарды жасырмай, аурудың барлық белгілері туралы медицина қызметкерлеріне дер кезінде хабарлау; Үй маңындағы аумақты қоқыстан тазарту; Кеміргіштерді жою бойынша шаралар ұйымдастыру; Су тасқыны қайтқаннан кейін үй-жайларды дезинфекциялық құралдарды пайдаланып залалсыздандыру.

    1 сәуір 2026 ж.Тікелей
    Қағида

    "Ортақ үлестік меншіктегі немесе ортақ үлестік жер пайдаланудағы жер учаскесіндегі жер үлесін ресімдеу "мемлекеттік қызмет көрсету қағидалары

    https://adilet.zan.kz/kaz/docs/V2600040199

    Жарияланды:
    Қағида

    "Құрылысты пайдалануға бергеннен кейін бұрын жалға берілген жер учаскесіне жеке меншік құқығын беру" мемлекеттік қызмет көрсету қағидалары

    https://adilet.zan.kz/kaz/docs/V2600040199

    Жарияланды:
    Қағида

    "Маңдайшаны республикалық маңызы бар қалада, астанада, облыстық және аудандық маңызы бар қалада, ауылда, кентте орналастыруды келісу" мемлекеттік қызмет көрсету қағидалары

    Осы "Маңдайшаны республикалық маңызы бар қалада, астанада, облыстық және аудандық маңызы бар қалада, ауылда, кентте орналастыруды келісу" мемлекеттік қызметті көрсету қағидалары (бұдан әрі – Қағидалар) "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасы Заңының (бұдан әрі – Заң) 10-бабының 1) тармақшасына сәйкес әзірленді және маңдайшаны республикалық маңызы бар қалада, астанада, облыстық және аудандық маңызы бар қалада, ауылда, кентте орналастыруды келісу тәртібін айқындайды. "Маңдайшаны республикалық маңызы бар қалада, астанада, облыстық және аудандық маңызы бар қалада, ауылда, кентте орналастыруды келісу" мемлекеттік көрсетілетін қызметті (бұдан әрі – мемлекеттік көрсетілетін қызмет) республикалық маңызы бар қаланың, астананың, облыстық маңызы бар қаланың, ауданның жергілікті атқарушы органдары (бұдан әрі – көрсетілетін қызметті беруші) жеке немесе заңды тұлғаларға (бұдан әрі – көрсетілетін қызметті алушы) осы Қағидаларға сәйкес көрсетеді.

    Жарияланды:
    Реттеме

    «Ақмола облысы Есіл ауданы Бұзылық ауылдық округі әкімінің аппараты» мемлекеттік мекемесінің СЫБАЙЛАС ЖЕМҚОРЛЫҚҚА ҚАРСЫ СТАНДАРТЫ

    «Ақмола облысы Есіл ауданы Бұзылық ауылдық округі әкімінің аппараты» мемлекеттік мекемесініңСЫБАЙЛАС ЖЕМҚОРЛЫҚҚА ҚАРСЫ СТАНДАРТЫ 1. Жалпы ережелер Осы Сыбайлас жемқорлыққа қарсы стандарт (бұдан әрі – Стандарт) Қазақстан Республикасының сыбайлас жемқорлыққа қарсы заңнамасына сәйкес әзірленген және Бұзылык ауылдық округі әкімі аппараты (бұдан әрі – Аппарат) қызметкерлерінің сыбайлас жемқорлық тәуекелдерінің алдын алу, анықтау және оларды барынша азайтуға бағытталған қызметтік мінез-құлық талаптарын айқындайды. Стандарттың мақсаты – сыбайлас жемқорлыққа қарсы іс-шаралардың тиімділігін арттыру, Аппарат қызметінің ашықтығы мен айқындылығын қамтамасыз ету, мемлекеттік қызметке деген азаматтардың сенімін нығайту. Стандарттың күші Аппараттың барлық қызметкерлеріне, олардың лауазымы мен мемлекеттік қызметтегі өтіліне немесе қызмет нысанына қарамастан қолданылады. 2. Сыбайлас жемқорлыққа қарсы іс-қимылдың негізгі қағидаттары Аппараттағы сыбайлас жемқорлыққа қарсы іс-қимыл келесі қағидаттар негізінде жүзеге асырылады: заңдылық; жариялылық және ашықтық; адалдық және ашықтық; әділдік және бейтараптық; мүдделер қақтығысын уақтылы болдырмау және реттеу; құқықбұзушылық үшін жазаның бұлтартпастығы; сыбайлас жемқорлыққа мүлдем төзбеушілік. 3. Қызметтік қызметке қойылатын талаптар Аппарат қызметкерлері: заңнаманың, ішкі регламенттердің және осы Стандарттың нормаларын сақтауға; мемлекеттік қызметтерді сапалы және уақтылы көрсетуге; тек мемлекеттік және қоғамдық мүдделерді басшылыққа алуға; шешімдерді объективті және бейтарап қабылдауға; қызметтік өкілеттіктерді теріс пайдалануға жол бермеуге; құқық қолдану, бақылау-қадағалау, рұқсат беру және өзге де қызмет түрлеріне байланысты сыбайлас жемқорлық тәуекелдерін болдырмауға міндетті. Қызметкерлерге тыйым салынады: қызметтік міндеттерді орындауға байланысты сыйлықтар, ақша, қызметтер, жеңілдіктер және өзге де сыйақылар алу; қызметтік ақпарат пен мүлікті жеке мақсатта пайдалану; жеке және заңды тұлғаларға заңсыз көмек көрсету; өзіне немесе үшінші тұлғаларға артықшылық алу үшін қызметтік жағдайын пайдалану; басқа органдардың, ұйымдардың немесе кәсіпкерлердің қызметіне заңсыз араласу. 4. Сыбайлас жемқорлық тәуекелдерін басқару Аппаратта жыл сайын сыбайлас жемқорлық тәуекелдеріне талдау жүргізіледі. Анықталған тәуекелдер Сыбайлас жемқорлық тәуекелдерінің картасына және оларды азайту жөніндегі іс-шаралар жоспарына енгізіледі. Сыбайлас жемқорлық тәуекелдерін басқаруды ұйымдастыруға жауапты тұлға тағайындалады. 5. Мүдделер қақтығысы Қызметкер шешім қабылдауға әсер етуі мүмкін жеке мүдделіліктің туындауы туралы өзінің тікелей басшысын немесе этика жөніндегі уәкілетті тұлғаны дереу хабардар етуге міндетті.Мүдделер қақтығысын реттеу: өзін-өзі шеттету; қызметтік міндеттерді қайта бөлу; шешімдер қабылдауға қатысудан уақытша тоқтата тұру арқылы жүзеге асырылады. 6. Сыбайлас жемқорлық фактілері туралы хабарлау тәртібі Қызметкерлер белгілі болған барлық сыбайлас жемқорлық фактілері туралы: тікелей басшысына; этика жөніндегі уәкілетті тұлғаға; құқық қорғау органдарына хабарлауға міндетті.Сыбайлас жемқорлық туралы хабарлаған адамдар заңнамаға сәйкес қорғалады. 7. Жауапкершілік Осы Стандарттың талаптарын бұзу Қазақстан Республикасының заңнамасына сәйкес тәртіптік, әкімшілік немесе қылмыстық жауапкершілікке әкеп соғады. 8. Қызметтік этика талаптары 8.1. Жалпы этикалық нормалар Қызметкерлер қызметтік этика нормаларын сақтауға, мемлекеттік қызметтің оң имиджін қалыптастыруға және Аппараттың қызметіне азаматтардың сенімін арттыруға міндетті. Қызметкерлердің мінез-құлқы адалдық, объективтілік, құрмет, жауапкершілік және заңдылық қағидаттарына сәйкес болуы керек. Мемлекеттік органның беделін түсіретін, оның репутациясына нұқсан келтіретін немесе шешімдердің бейтараптығына күмән тудыратын кез келген әрекетке жол берілмейді. 8.2. Азаматтармен және ұйымдармен қарым-қатынастағы этикалық нормалар Қызметкерлер: сыпайылық, құрмет және әдептілік танытуға; дөрекілікке, формализмге және өтініштерді қарауды негізсіз созуға жол бермеуге; барлық азаматтарға кемсітусіз тең қарауға міндетті. 8.3. Ұжым ішіндегі қарым-қатынастағы этикалық нормалар Қызметкерлер іскерлік, кәсіби және өзара құрмет атмосферасын қолдауы тиіс.Тыйым салынады: әріптестердің қадір-қасиетін төмендету; психологиялық қысым көрсету немесе қудалау; фаворитизм және негізсіз сын. 8.4. Қызметтік жағдайды пайдалану жөніндегі этикалық шектеулер Қызметкерлерге тыйым салынады: қызметтік жағдайын жеке пайда үшін пайдалану; қандай да бір сыйақыларды талап ету немесе сұрау; қызметтік ақпаратты жеке мақсатта қолдану; мүдделер қақтығысына жол беру. 8.5. Қызметтік тәртіп пен қызметтен тыс мінез-құлық Қызметкерлер қызметтік құпияны және ақпаратпен жұмыс істеу ережелерін сақтауға міндетті. Қызметтен тыс уақытта қызметкер өзінің лауазымына немесе мемлекеттік органға нұқсан келтіретін әрекеттерден аулақ болуы тиіс. 8.6. Сыбайлас жемқорлыққа қарсы іс-қимыл контекстіндегі этикалық нормалар Қызметкерлер сыбайлас жемқорлыққа мүлдем төзбеушілікті көрсетуге міндетті. Қызметкерлер дереу хабарлауы тиіс: пара беру әрекеттері туралы; заңсыз талаптар немесе ұсыныстар туралы; әріптестердің этика нормаларын бұзу фактілері туралы. 8.7. Қызметтік этиканы бұзғаны үшін жауапкершілік Қызметтік этика нормаларын бұзу осы Стандартты бұзу болып табылады және тәртіптік жауапкершілікке әкеп соғады. Қызметтік этиканы өрескел немесе жүйелі түрде бұзу жұмыстан босатуға негіз болуы мүмкін. Қорытынды ережелер Осы Стандарт оны бекіткен күннен бастап күшіне енеді. Осы Стандарттың орындалуын бақылау Бұзылык ауылдық округі әкімінің аппаратының басшысына жүктеледі.

    Жарияланды: