Құрылым — Алматы қаласының Балалардың құқықтарын қорғау басқармасы

Алматы — аңыз бен ақиқат, көне дәуір мен заманауи өркениет, кең дала мен Тянь-Шаньның қарлы шыңдары тоғысқан қала. Тау баурайындағы шаһар ондаған жыл бойы табиғат пен урбанистика үйлесім тапқан ерекше қалалық кеңістік қалыптастырды. Алматының «қала-бақ» ретіндегі айрықша келбеті кездейсоқ пайда болған жоқ. Қаланы жоспарлы дамыту кезеңінен бастап жасыл көшелер, бульварлар, скверлер мен саябақтар жүйелі түрде салына бастады. Таулы өңірдің табиғи ерекшеліктері, өзен суларының молдығы және көгалдандыруға бағытталған дәйекті саясат нәтижесінде жасыл желек, әсіресе алма бақтары, сәндік элемент қана емес, қалалық инфрақұрылымның маңызды бөлігіне айналды. Әсіресе, алма бақтары Алматының табиғи болмысын айқындайтын белгіге айналып, алма қала символы ретінде алыс-жақынға танылды. Қаланың қазіргі тарихы 1854 жылы Верный бекінісінің негізі қаланған кезден бастау алады. Уақыт өте келе ол ірі әкімшілік орталыққа айналып, 1929 жылы Қазақстанның астанасы болды. Ондаған жыл бойы Алматы елдің саяси, ғылыми және мәдени өмірінің өзегі болды: мұнда мемлекеттік институттар құрылды, білім беру, өнер, сәулет және қалалық мәдениет қарқынды дамыды. 1997 жылы астана көшірілгеннен кейін де Алматы өзінің стратегиялық маңызын сақтап қалды. Қала елдің жетекші экономикалық орталығы ретіндегі рөлін нығайтып, Қазақстан экономикасының негізгі қозғаушы күштерінің біріне айналды. Бүгінде Алматы жалпы ішкі өнімнің шамамен бестен бір бөлігін қамтамасыз етіп, жан басына шаққандағы жалпы өңірлік өнім көрсеткіші бойынша көш бастап отыр. Сауда, қызмет көрсету, қаржы және өңдеу өнеркәсібі салаларындағы тұрақты өсім оның басты экономикалық драйвер ретіндегі мәртебесін айқындай түседі. Бүгінде Алматы — Қазақстандағы ең ірі мегаполис, тау баурайындағы қала-бақ, даму мен мүмкіндіктер кеңістігі. Бұл тарихи мұрасын қадірлей отырып, заманауи келбетін қалыптастырып, болашаққа сенімді қадам басқан қала. Әкімдік құрылымы