Жамбыл облысының Әділет департаменті

Қазақстан Республикасының «Атқарушылық іс жүргізу және сот орындаушыларының мәртебесі туралы» Заңының 47 бабының 2 тармағына сәйкес, борышкердің есептік шоттарына, жылжымалы және жылжымайтын мүліктеріне қойылған тыйымдардың күші атқарушылық іс жүргізу тоқтатылған соң жойылуға тиіс. Дегенмен, атқарушылық құжат орындалғаннан кейін атқарушылық санкция, орындау бойынша шығыстар, өсімпұл және жеке сот орындаушысының қызметіне ақы төлеу сомасы өндіріп алынуға жататын атқарушылық құжаттар бойынша орындалуын қамтамасыз ету шараларының күші олар өндіріліп алынғаннан кейін ғана тоқтатылады. Сондай-ақ, осы заңның 48 бабының 6 тармағына сәйкес, мәжбүрлеп орындату шараларының: 1) егер өндіріп алушы орындау бойынша іс жүзінде келтірілген шығыстарды өтесе және жеке сот орындаушысының қызметіне ақы төлеу жүргізілсе, осы баптың 1-тармағының 1) тармақшасында көзделген; 2) атқарушылық құжатты мәжбүрлеп орындатуға берудің осы Заңның 11-бабында көзделген мерзімі өткен жағдайларда күші жойылуға жатады. Сонымен қатар, тыйымдар өндіріп алушының арызының негізінде шешілуі мүмкін.

Қазақстан Республикасының «Атқарушылық іс жүргізу және сот орындаушыларының мәртебесі туралы» Заңының 33 бабының 4 тармағына сәйкес, борышкер болып табылатын жеке тұлғаның, заңды тұлға басшысының (міндетін атқарушының) Қазақстан Республикасынан шығуына уақытша шектеуді алып тастау келесі жағдайларда: 1) осы Заңның 47-бабында көзделген негіздер бойынша атқарушылық іс жүргізу тоқтатылған; 2) мерзімдік өндіріп алулар туралы атқарушылық іс жүргізулер бойынша берешек болмаған; 3) атқарушылық құжат соттың немесе құжатты берген басқа органның талап етуі бойынша орындалмай қайтарылған; 4) мемлекет пайдасына өндіріп алуларды қоспағанда, өндіріп алушы өтініш берген; 5) басшы заңды тұлғаның жалғыз құрылтайшысы (қатысушысы) болып табылатын жағдайларды қоспағанда, борышкер болып табылатын заңды тұлғаның басшысы ауысқан; 6) сот орындаушысының атқарушылық іс жүргізуді қозғау туралы қаулысының күші жойылған жағдайларда бір жұмыс күні ішінде жүргізіледі. Сондай-ақ, осы баптың 3 тармағына сәйкес, борышкер болып табылатын жеке тұлғаның, заңды тұлға басшысының (оның міндетін атқарушының) Қазақстан Республикасынан шығуын уақытша шектеу Қазақстан Республикасынан тыс жерлерде емдеу жүргізу қажет болған жағдайларда тоқтатыла тұруы мүмкін.

Қазақстан Республикасының «Атқарушылық іс жүргізу және сот орындаушыларының мәртебесі туралы» Заңының 36 бабының 3 тармағына сәйкес, борышкерлердің бірыңғай тізілімінен борышкерді алып тастау осы Заңның 47-бабында көзделген негіздер бойынша атқарушылық іс жүргізу тоқтатылғаннан кейін және мерзімдік өндіріп алу туралы атқарушылық іс жүргізу бойынша берешек болмаған кезде, сондай-ақ ол атқарушылық құжаттың талаптарын орындаған кезде осы Заңның 48-бабында көзделген негіздер бойынша атқарушылық іс жүргізу аяқталғаннан кейін жүргізіледі. Сот орындаушысы осы Заңның 48-бабында көзделген негіздер бойынша аяқталған атқарушылық іс жүргізу бойынша атқарушылық құжат талаптарының орындалғаны туралы мәліметтер алған кезде үш жұмыс күні ішінде уәкілетті органға, яғни Әділет департаментіне борышкерді борышкерлердің бірыңғай тізілімен алып тастау үшін тиісті ақпарат жібереді. Тиісті ақпарат келіп түскен соң, Әділет департаментімен құжаттар Заң талаптарына сай зерделеніп, үш жұмыс күні ішінде борышкер борышкерлердің бірыңғай тізілімен алынып тасталынады.

Қолданыстағы заңнамаға сәйкес, ресми құжаттарға апостиль таңбасын қоюға құжаттар қағаз жүзінде Халыққа қызмет көрсету орталығы арқылы тапсыру немесе egov.kz электронды порталында да электронды өтінім беру арқылы құжаттарды апостильдеу мүмкіндігі бар.Ол үшін электронды цифрлы қолтаңба арқылы электронды өтінім беріледі, оған апостильдеуге жататын құжаттар сканерлеп тіркеледі. Бұл мемлекеттік қызмет 3 жұмыс күн ішінде көрсетіледі.

Қазақстан Республикасының «Заңды тұлғаларды тіркеу,олардың филиалдары мен өкілдіктерін есептік тіркеу туралы» Заңының 9 бабында заңды тұлғаның тіркеу мерзімдері нақты көрсетілген, ол 5 жұмыс күн. Егерде тіркеуге ұсынған құжаттарда қандайда бір кемшіліктер болса, онда тіркеу мерзіміне осы бабтың талаптарына сай, 1 айға дейін үзіліс жасалынады, егерде осы мерзімде анықталған кемшіліктер жойылмаса, тіркеуден бас тарту туралы шешім қабылданады.

Электронды түрде коммерциялық ұйымдар –яғни, жауапкершілігі шектеулі серіктестігін тіркеу мүмкіндігі бар, ол үшін өтініш иесі электронды цифрлы қолтаңба алып, egov.kz электронды порталында өз кәсібін бастау туралы хабарлама тіркейді, ол не бары 10-15 минут уақыт алады және де ол үшін Халыққа қызмет көрсету орталығына барудың еш бір қажеті жоқ.Сол сияқты, осы порталда заңды тұлғаны тіркеу туралы анықтамасын алуға болады.