ОтырысАяқталды
Абай ауданының әкімдігі
Әкімдік туралы
«Абай облысы Абай ауданы әкімінің аппараты» мемлекеттік мекемесі (бұдан әрі - Әкім аппараты) жергілікті атқарушы орган мен аудан әкімінің қызметін ақпараттық – талдау, ұйымдастыру – құқықтық және материалдық – техникалық салада қамтамасыз ететін мемлекеттік орган болып табылады.
Әкім аппараты өз қызметін қолданыстағы заңнамаға сәйкес Қазақстан Республикасының Конституциясына, Қазақстан Республикасының Президенті мен Үкіметінің нормативтік актілеріне және өзге де нормативтік актілерге, сондай-ақ осы Ережеге сәйкес жүзеге асырады.
Жаңалықтар
Ашу
Connection Point Абай облысында танымалдылығын арттыруда
Ашу
Камбоджа Қазақстанның мемлекеттік қызметтерді цифрландыру тәжірибесін меңгеруде
Ашу
Мемлекеттік корпорация ауыл тұрғындарының цифрлық сауаттылығын арттыруда
Ашу
Сайлау күні дауыс берушілерге бір күндік тіркеу рәсімі қолжетімді болады
Ашу
Мемлекеттік қызметтер үйде көрсетіледі: қазақстандықтар дербес менеджер сервисін таңдауда
Ашу
Қазақстан Республикасы Құрылтайының депутаттарын сайлауда дауыс беру тәртібі
Оқиғалар
ОтырысАяқталды
7 мамыр - Отан қорғаушы күні
ОтырысАяқталды
22 наурыз: Ұлыстың ұлы күні, әз-Наурыз
ОтырысАяқталды
8 наурыз Халықаралық әйелдер күні
ОтырысАяқталды
1 наурыз- "Алғыс айту күні"
ОтырысАяқталды
1 мамыр - Қазақстан халқының бірлігі күні
Сұрақ-жауап
Сұрақ
Жұмыссыз ретінде қалай есепке тұруға болады?
Жауап
Жұмыссыз ретінде есепке тұру үшін: Тұрғылықты жері бойынша Абай облысының Мәнсап орталығына жүгіну «Электрондық үкімет» веб-порталы (www.egov.kz) арқылы; «Электрондық еңбек биржасы» (enbek.kz порталы) арқылы. Жеке басын куәландыратын құжатты, білімі мен біліктілігі туралы құжаттарды, сондай-ақ соңғы жұмыс орны туралы анықтаманы (егер бар болса) ұсыну.
Сұрақ
Қазақстанда қандай азық-түлік өнімдер әлеуметтік маңызды?
Жауап
Қазіргі уақытта мұндай азық-түлік өнімдерінің тізіміне 19 тауар кіреді: Бірінші сұрыпты бидай ұны; 1-сұрыпты бидай ұнынан пісірілген нан; Рожки (салмақпен); Қарақұмық жармасы (ядро, салмақпен); Тегістелген күріш (дөңгелек дәнді, салмақпен); Картоп; Асханалық сәбіз; Пияз; Ақ қырыққабат; Ақ қант-құмшекер; Күнбағыс майы; Сиыр еті (сүйектері бар скапулярлы-кеуде бөлігі); Тауық еті (аналық және тибия, оған іргелес целлюлоза); Майлылығы 2,5% жұмсақ орамдағы пастерленген сүт; Майлылығы 2,5% жұмсақ орамдағы айран; Тұздалмаған сары май толтырғыштарсыз және өсімдік майларынсыз майлылығы кемінде 72,5% ; Тауық жұмыртқасы (1-санат); Ас тұзы ("экстрадан" басқа); Сүзбе 5-9% май.
Сұрақ
Шағын және орта бизнесті дамыту үшін мемлекеттік қолдаудың қандай түрлері бар?
Жауап
"Бизнестің жол картасы-2025" бизнесті қолдау мен дамытудың мемлекеттік бағдарламасы Қазақстан Республикасы Үкіметінің 2019 жылғы 31 желтоқсандағы №1060 қаулысымен "Бизнестің жол картасы-2025" бизнесті қолдау мен дамытудың мемлекеттік бағдарламасы бекітілді. "Бизнестің жол картасы-2025" бизнесті қолдау мен дамытудың мемлекеттік бағдарламасы шеңберінде гранттық қаржыландыру, субсидиялау, бизнес жобаларға кепілдік беру жүзеге асырылады.
Сұрақ
Көтерме жәрдемақы алу үшін қандай құжаттар қажет?
Жауап
1) көтерме жәрдемақы алған кезде: осы Қағидаларға 2-қосымшаға сәйкес нысан бойынша өтініш; жеке басты куәландыратын құжат (сәйкестендіру үшін); білімі туралы дипломның көшірмесі; көрсетілетін қызметті алушының еңбек қызметін растайтын құжаттың көшірмесі; 2) тұрғын үй сатып алуға бюджеттік кредит алған кезде: осы Қағидаларға 2-қосымшаға сәйкес нысан бойынша өтініш; жеке басты куәландыратын құжат (сәйкестендіру үшін); білімі туралы дипломның көшірмесі; көрсетілетін қызметті алушының еңбек қызметін растайтын құжаттың көшірмесі; сәйкестендіру үшін неке қиюды (ерлі-зайыпты болуды) мемлекеттік тіркеу туралы куәлік (некеде тұрған көрсетілетін қызметті алушылар үшін) ; кредиттік бюродан есеп; 3) тұрғын үй салуға бюджеттік кредит алу кезінде: осы Қағидаларға 2-қосымшаға сәйкес нысан бойынша өтініш; жеке басты куәландыратын құжат (сәйкестендіру үшін); білімі туралы дипломның көшірмесі; көрсетілетін қызметті алушының еңбек қызметін растайтын құжаттың көшірмесі; сәйкестендіру үшін неке қиюды (ерлі-зайыпты болуды) мемлекеттік тіркеу туралы куәлік (некеде тұрған көрсетілетін қызметті алушылар үшін) ; кредиттік бюроның есебі. Жеке басты куәландыратын құжаттар, неке қиюды (ерлі-зайыпты болуды) мемлекеттік тіркеу туралы куәлік туралы мәліметтер, тұрғылықты жері бойынша тіркеу туралы мәліметтер, көрсетілетін қызметті алушының және оның жұбайының (зайыбының) және балаларының жылжымайтын мүлкінің болмауы(болуы) туралы, көрсетілетін қызметті алушының атына тұрғын үй салуға берілген жер учаскесін пайдалану құқығы туралы анықтамалар еңбек қызметі жөніндегі мәліметтер, орта білімнен кейінгі, техникалық білімі бар дипломының болуы туралы мәліметтер, кәсіптік және / немесе жоғары білімді Мемлекеттік корпорация қызметкері немесе көрсетілетін қызметті беруші "электрондық үкімет"шлюзі арқылы тиісті мемлекеттік ақпараттық жүйелерден алады.
Құжаттар
Ақпарат
Семей тұрғындары мемлекеттік қызметтерді үйден шықпай-ақ ала алады
Семей қаласының тұрғындары Халыққа қызмет көрсету орталығына (ХҚКО) бармай-ақ бірқатар мемлекеттік қызметтерді алуға мүмкіндік беретін «Жеке менеджер» қызметін пайдалана алады. Бұл туралы Абай облысы бойынша «Азаматтарға арналған үкімет» мемлекеттік корпорациясы» КЕАҚ филиалында хабарлады. Қызмет аясында маман өтініш беруші көрсеткен мекенжайға – үйіне немесе кеңсесіне – өзі үшін қолайлы уақытта барып қызмет көрсетеді. Сапар барысында жеке менеджер мемлекеттік қызметтерді алу тәртібі бойынша кеңес береді, қажетті құжаттарды қабылдап, мемлекеттік ақпараттық жүйелер арқылы өтінішті рәсімдейді. Бұл сервис мемлекеттік қызметтерді халық үшін қолжетімді әрі ыңғайлы ету мақсатында іске қосылған. Әсіресе ол мүмкіндігі шектеулі азаматтар, қарт адамдар, жас балалары бар ата-аналар, сондай-ақ денсаулық жағдайына немесе жұмысының көптігіне байланысты ХҚКО-ға өздігінен келе алмайтын тұрғындар арасында сұранысқа ие. «Біз мемлекеттік қызметтердің облыс тұрғындары үшін қолжетімді әрі ыңғайлы болуын қамтамасыз ету бағытында тұрақты жұмыс жүргізіп келеміз. Көшпелі қызмет көрсету форматы ХҚКО-ға келмей-ақ қажетті қызметтерді алуға мүмкіндік береді. Бұл, әсіресе, өздігінен келуі қиын азаматтар үшін өте маңызды. Алдағы уақытта да тұрғындардың сұранысы мен қолайлылығына бағытталған сервистерді дамытуды жалғастырамыз», – деді Абай облысы бойынша «Азаматтарға арналған үкімет» мемлекеттік корпорациясы» КЕАҚ филиалының директоры Жібек Жадрина. Жеке менеджердің көмегімен тұрғылықты жері бойынша тіркелу, түрлі анықтамалар алу, АХАТ органдарының қызметтерін пайдалану және басқа да сұранысқа ие мемлекеттік қызметтерді рәсімдеуге болады. Алайда өтініш берушінің міндетті түрде жеке қатысуын талап ететін қызметтер көшпелі форматта көрсетілмейді. Олардың қатарында жеке куәлік пен паспортты рәсімдеу, жүргізуші куәлігін алу, сондай-ақ көлік құралдарын тіркеу және қайта тіркеу қызметтері бар. Қызмет көрсетіліп болғаннан кейін дайын құжаттарды ХҚКО-ның беру секторынан алуға немесе жеткізу қызметіне тапсырыс беруге болады. «Жеке менеджер» қызметінің көшпелі түрде көрсетілу құны 7 447 теңгені құрайды. Бұл сомаға ұйымдастыру және көлік шығындары кіреді. Өтінімді ХҚКО-ның мобильді қосымшасы арқылы беруге болады. «Жеке менеджер» қызметі «Азаматтарға арналған үкімет» мемлекеттік корпорациясының сервистік қызмет көрсетуі аясында ақылы негізде ұсынылады.
Ақпарат
Мемлекеттік корпорация ХҚКО-дан дайын құжаттарды жеткізу қызметін кеңейтеді
«Азаматтарға арналған үкімет» мемлекеттік корпорациясы» дайын құжаттарды ХҚКО-дан жеткізу сервисі қолжетімді болатын мемлекеттік қызметтердің тізімін кеңейтіп жатыр. Алдағы бір ай ішінде қызметтер қатарына жылжымайтын мүлікті тіркеу, заңды тұлғаларды тіркеу және тарату, сондай-ақ білім беру саласындағы жекелеген мемлекеттік қызметтер қосылады. Бұл азаматтарға дайын құжаттарды алу үшін ХҚКО-ға қайта бармай, оларды көрсетілген мекенжайдан қабылдауға мүмкіндік береді. Бүгінде 15 мемлекеттік қызмет түрі бойынша дайын құжаттарға тапсырыс беруге болады. Олардың қатарында мұрағаттық анықтамалар беру, баланың тууын және некені бұзуды тіркеу, азаматтық хал актілері жазбаларындағы мәліметтерді қалпына келтіру және куәліктерді қайта беру, білім туралы құжаттардың телнұсқаларын беру, сондай-ақ ресми құжаттарға апостиль қою қызметтері бар. Құжаттарды жеткізу сервисіне тапсырысты мемлекеттік қызметті рәсімдеу кезінде беруге болады. Сервис ақылы негізде көрсетіледі. Республикалық маңызы бар қалаларда, яғни Астана, Алматы және Шымкентте қызмет құны 2 061 теңгені, ал басқа өңірлерде 1 036 теңгені құрайды. Құжат дайын болған кезде қызмет алушының телефон нөміріне 1414 нөмірінен бірегей растау коды көрсетілген SMS-хабарлама келеді. Қауіпсіздік мақсатында кодты курьерге құжатты алған сәтте хабарлау қажет. Код дайын құжаттың тікелей өтініш берушінің өзіне табысталғанын растау үшін қолданылады. Сонымен қатар құжатты алу кезінде жеке куәлікті көрсету қажет. Мемлекеттік корпорация үшін цифрлық сервистерді дамыту және мемлекеттік қызметтерді азаматтарға барынша қолайлы форматта ұсыну негізгі бағыттардың бірі. «Азаматтарға арналған үкімет» мемлекеттік корпорациясы азаматтардың уақытын үнемдеуге, қызмет алу үдерісін жеңілдетуге және мемлекеттік қызметтердің қолжетімділігін арттыруға мүмкіндік беретін заманауи шешімдерді одан әрі енгізуді жалғастырады.
Ақпарат
Қазақстан халықаралық делегацияға мемлекеттік қызмет көрсету саласындағы цифрлық шешімдерді таныстырды
Халықаралық көші-қон ұйымының делегациясы және Грекия, Мажарстан, Тәжікстан, Түрікменстан мен Өзбекстанның мемлекеттік органдарының өкілдері мемлекеттік қызмет көрсету саласындағы Қазақстанның тәжірибесімен танысу мақсатында «Азаматтарға арналған үкімет» Мемлекеттік корпорациясына келді. Кездесу тәжірибе алмасу форматында өтті. Тараптар көші-қон қызметтерін цифрландырудың заманауи тәсілдерін, жеке тұлғаны сәйкестендіру мәселелерін және мемлекеттік сервистерді дамыту бағыттарын талқылады. Сондай-ақ қонақтарға бүгінде Қазақстанда қолданылып жүрген цифрлық шешімдер таныстырылды. Сапар барысында делегация мүшелеріне паспорттар мен жеке куәліктерді рәсімдеу үдерісі – өтініш беруден және деректерді тексеруден бастап дайын құжатты алғанға дейінгі барлық кезеңдер көрсетілді. Сонымен қатар делегация мүшелері жеке куәлік немесе паспорт алуға өтінімді өз бетінше беруге мүмкіндік беретін құжаттандыру терминалының жұмысымен танысты. Қатысушыларға оның жұмыс істеу тәртібі мен дербес деректерді тексеруде қолданылатын технологиялар туралы ақпарат берілді. «Мемлекеттік қызметтерді жетілдірудегі маңызды бағыттардың бірі – халықаралық ынтымақтастықты дамыту. Мұндай кездесулер тәжірибе алмасуға, кәсіби әріптестікті нығайтуға және азаматтарға көрсетілетін қызметтердің сапасын арттыруға бағытталған тиімді шешімдерді енгізуге ықпал етеді. Бұған дейін Корея Республикасында ынтымақтастық туралы меморандумға қол қойдық. Бұл құжат бірлескен жобаларды іске асыруға және өзара іс-қимылды одан әрі дамытуға жаңа мүмкіндіктер ашады. Бүгінгі кездесу халықаралық серіктестікті нығайтуға және мемлекеттік қызмет көрсету жүйесін одан әрі жетілдіруге тағы бір маңызды қадам болады деп сенемін», – деді«Азаматтарға арналған үкімет» Мемлекеттік корпорациясы Басқарма төрағасы Арман Кенжегалиев. Кездесу қорытындысы бойынша қатысушылар халықаралық тәжірибе алмасудың маңыздылығын атап өтіп, цифрлық мемлекеттік қызметтерді дамыту бағытындағы ынтымақтастықты одан әрі жалғастыруға дайын екендіктерін білдірді.