Рыспаев Жәнібек Қуанышұлы

Рыспаев Жәнібек Қуанышұлы ағымдағы жылдың 9 қаңтардан бастап «Көкшетау қаласы әкімінің аппараты» ММ мемлекеттік-құқықтық бөлімінің басшысы лауазымына тағайындалды.
Рыспаев Жәнібек Қуанышұлы 1985 жылғы 15 маусымда Солтүстік Қазақстан облысы, Тайынша ауданы, Тайынша қаласында туды.
2006 жылы Құқықтану академиясы – «Әділет» құқық жоғары мектебін құқықтану мамандығы бойынша аяқтады.

Еңбек қызметін 2006 жылы Ақмола облысы бойынша құқықтық статистика және арнайы есепке алу басқармасында статист және бас маман ретінде бастады.
2009 жылдан 2012 жылға дейін Көкшетау көлік прокурорының аға көмекшісі, 2012 – 2014 жылдар аралығында Көкшетау қаласы прокурорының аға көмекшісі қызметін атқарды.
2014 жылдан 2018 жылға дейін Көкшетау қаласының прокуратурасында және Ақмола облысының прокуратура басқармасында аға прокурор лауазымын атқарды, 2018 – 2019 жылдары Атбасар ауданы прокурорының орынбасары болды. 2019 жылдың қыркүйек айынан бастап қарашаға дейін Мемлекеттік айыптауды қамтамасыз ету және апелляциялық сотқа қатысу жөніндегі басқармада прокурор қызметін атқарды.