Өмірбаян
1974 жылғы 29 қыркүйекте Қазақстан Республикасы, Жамбыл облысы, Тараз қаласында дүниеге келген. 1997 жылы Жамбыл университетін «Автомобиль жолдары және ұшақ алаңдарын салу» мамандығы бойынша бітірген. 2003 жылы «Мүлікті кадастрлық-құқықтық сараптау» мамандығы бойынша Бағалау институтын аяқтаған.
- Еңбек жолын 1997 жылы Жамбыл университетінің Қаратау инженерлік-техникалық кешенінде оқытушы болып бастаған.
- 2000–2004 жылдары Бағалау институтында аға оқытушы қызметін атқарды.
- 2005–2008 жылдары Алматы қаласы құрылыс департаментінде жетекші маман, кейін бас маман лауазымдарында жұмыс істеді.
- 2009–2011 жылдары Алматы қаласы құрылыс басқармасында бөлім басшысы, кейін басқарма басшысының орынбасары болды.
- 2011–2017 жылдар аралығында Алматы қаласы құрылыс басқармасының басшысы қызметін атқарды.
- 2017–2018 жылдары «Ақпараттық технологиялар орталығы» ЖШС-нің директоры болды.
- 2018–2020 жылдары «Самұрық-Қазына» АҚ басшысының орынбасары қызметін атқарды.
- 2020–2022 жылдары «Basyer Construction» ЖШС-нің директоры болып жұмыс істеді.
- 2021–2022 жылдары қатарынан «Sheber Partners» ЖШС директорының орынбасары және «Alan Construction» ЖШС директоры қызметтерін атқарды.
- 2023–2024 жылдары «Қазақ ұлттық аграрлық университеті» КеАҚ инфрақұрылымды дамыту басқармасының басшысы, сондай-ақ Алматы облысының жолаушылар көлігі және автомобиль жолдары басқармасының жобалық-қаржы бөлімінің басшысы болды.
- 2024 жылғы сәуір айынан бастап 2025 жылғы шілдеге дейін Алматы облыстық құрылыс басқармасының басшысы қызметін атқарды.
- 2025 жылғы 15 шілдеден бастап Іле ауданы әкімінің орынбасары қызметіне тағайындалды.
