Көнекбаев Тілеуқабыл Сәкенұлы

1970 жылы 25 наурызда Семей облысы Ақсуат ауданы Көкжыра ауылында туған. Ұлты қазақ. Білімі жоғары. 1993 жылы Семейдің зоотехникалық-малдәрігерлік институтын ветеринария мамандығы бойынша бітірген.

Еңбек жолын 1993-1994 жылдары Семей облысы Ақсуат ауданы Комсомол кеңшарының азаматтық қорғаныс бөлімшесінің бастығы қызметінен бастаған, 1994-1995 жылдары Комсомол кеңшарының №1 бригадасының мал дәрігері, 1995-1996 жылдары Комсомол кеңшарының мал шаруашылық цехының, Ойшілік ауыл әкімшілігінің мал дәрігері, 1996-1998 жылдары Ойшілік ауыл әкімшілігінің мал дәрігерлік инспекторы, 2001-2002 жылдары Ойшілік ауылдық округінің штаттан тыс мал дәрігері, 2002-2005 жылдары уақытша жұмыссыз, 2005-2011 жылдары Ойшілік ауылдық округі әкімі аппаратының бас маман іс-жүргізушісінің міндетін уақытша атқарушы, бас маман іс-жүргізушісі, 2011-2021 жылдары Кұмкөл ауылдық округінің әкімі, 2021-2022 жылдары ШҚО Тарбағатай ауданы әкімі аппаратының басшысы қызметтерін атқарған.