Өмірбаян
Ербол Нұрланұлы 1998 жылы 6 желтоқсанда Түркістан қаласында туылған. 2020 жылы Мәскеу мемлекеттік азық-түлік өндірістік университетінің техника және технологиялар мамандығы бойынша бітірген.
Еңбек жолын 2020 жылы Түркістан қаласы әкімдігінің «Туристерге қызмет көрсету орталығы» коммуналдық мемлекеттік мекемесінде маман ретінде бастаған. 2022 жылы аталған мекемеде бас маман қызметін атқарды.
2022–2023 жылдары Түркістан қаласы әкімдігінің жұмыспен қамту және әлеуметтік бағдарламалар бөлімінің азаматтық хал актілерін тіркеу секторының бас маман міндетін атқарушы, кейін осы сектордың бас маманы болды. 2023 жылдан бастап Түркістан қаласы әкімдігінің жұмыспен қамту және әлеуметтік бағдарламалар бөлімінің жұмыспен қамту және жекелеген санаттағы азаматтарға көмек көрсету секторының бас маманы қызметін атқарды. 2025 жылғы 15 сәуірден бастап тағайындалғанға дейін Ұйымдастыру-инспекторлық жұмыс және аумақтық даму бөлімінің басшысы қызметін атқарды.
