Мамашәріпов Темірлан Серікұлы

Темірлан Серікұлы Мамашәріпов 1993 жылы 28 желтоқсанда Солтүстік Қазақстан облысы Петропавл қаласында туды. 2014 жылы М.Қозыбаев атындағы Солтүстік Қазақстан мемлекеттік университетін "Құқықтану" мамандығы бойынша бітіріп, 2016 жылы магистратурада оқып, заң ғылымдарының магистрі дәрежесін алды.

2010 жылғы 1 шілдеден 2013 жылғы 1 қарашаға дейін "СК ВАМП" ЖШС құқықтық мәселелер жөніндегі басшысының көмекшісі, 2013 жылғы 1 қарашадан 2014 жылғы 1 шілдеге дейін осы кәсіпорынның заңгері болып жұмыс істеді. 2015 жылғы 5 тамыздан 8 қыркүйекке дейін Солтүстік Қазақстан облысы дене шынықтыру және спорт басқармасының әкімшілік-құқықтық бөлімінің бас маманы, содан кейін 2015 жылғы 9 қыркүйектен 2017 жылғы 11 қыркүйекке дейін осы бөлімнің бас маманы қызметін атқарды. 2017 жылғы 16 қазаннан 2018 жылғы 23 қаңтарға дейін Солтүстік Қазақстан облысы әкімі аппаратының мемлекеттік-құқықтық бөлімінің бас маманы, ал 2018 жылғы 24 қаңтардан 2020 жылғы 2 ақпанға дейін осы бөлімнің бас маманы болып жұмыс істеді. 2020 жылғы 3 ақпаннан 2023 жылғы 30 тамызға дейін Солтүстік Қазақстан облысы әкімі аппаратының ұйымдастыру-инспекторлық бөлімінің бас инспекторы қызметін атқарды. 2023 жылғы 29 желтоқсаннан 2024 жылғы 21 ақпанға дейін Мамлют ауданы әкімінің құрылыс, экономика және қаржы мәселелері жөніндегі орынбасары, ал 2024 жылғы 22 ақпаннан бастап қазіргі уақытқа дейін Мамлют ауданы әкімінің орынбасары қызметін атқаруда.