Мәтен Мәди Мейірбекұлы

Мәди Мәтен 1984 жылы Жамбыл облысы Жуалы ауданында туған.

2004 жылы М.Х.Дулати атындағы Тараз мемлекеттік университетін «экономика және менеджмент» мамандығы бойынша бітірген.

Еңбек жолын 2004 жылы «Жаңа өмір – Новая жизнь» газетінің редакциясында фототілші болып бастаған.

Әр жылдары Жуалы ауданы әкімі аппаратында бас маман (2005-2011), бөлім жетекшісі, Жамбыл облысы әкімі аппаратының бас инспекторы (2011-2012), ұйымдастыру-инспекторлық бөлімінің басшысы (2012-2017), Жамбыл облысы әкімдігінің жастар саясаты мәселелері басқармасының басшысы (2017-2019), Жамбыл облысы әкімі аппаратының әдеп жөніндегі уәкілі (2019-2020), «Nur Otan» партиясы облыстық филиалы төрағасының орынбасары (2020-2022), «AMANAT» партиясы облыстық филиалы атқарушы хатшысының орынбасары, 2022 жылғы сәуір-мамыр аралығында Жамбыл облысы әкімінің көмекшісі, 2022 жылғы мамыр – 2023 жылғы желтоқсан айынан айына дейін Жамбыл облысы әкімі аппаратының басшысы қызметтерін атқарған.

2023 жылғы желтоқсаннан бастап Жамбыл облысы әкімдігінің тілдерді дамыту басқармасының басшысы лауазымына тағайындалды.